فيروزکوه (پژواک، ۵ غبرګولی ۹۷): د غور لسګونو اوسېدونکو د دې لپاره وسلې اخيستې چې دوی يې له امنيتي او دفاعي ځواکونو ملاتړ ګڼي او وايي چې له امنيتي ځواکونو سره همکار پاتې شوي او له دې وروسته به هم د طالبانو او نورو ډلو پر روړاندې وجنګېږي.
د غور په چهارسدې ولسوالۍ کې له څو ورځو را په دېخوا د امنيتي ځواکونو او طالبانو تر منځ نښته روانه ده او طالبانو پر يادې ولسوالۍ خپل بريدونه سخت کړي او نن د ياد ولايت له ۱۶۰ ډېرو کسانو وسلې اخيستې او چهار سدې ولسوالۍ ته تللي دي.
د دغو ځواکونو مشر حاجي رييس عبدالرحمن پرغاړه لري او ويې وويل چې دوی له خپلو بچيانو څخه د ملاتړ په موخه د هغو امنيتي ځواکونو له ليکو سره يو ځای شوي چې د طالبانو پر ضد جګړه کوي.
له بلې خوا د غور د پوليسو وياند محمد اقبال نظامي له امنيتي ځواکونو څخه د ياد ولايت د اوسېدونکو د ملاتړ له امله خوښي څرګنده کړه.
هغه وويل، امنيتي ځواکونو د خلکو له ملاتړ پرته دښمن ته ماتې نه شي ورکولای او ددښمن د له منځه وړلو لپاره د خلکو رول مهم دی.
د غور د دغه امنيتي چارواکي په خبره، همدا اوس د ياد ولايت په ډېرو سيمو کې ولسي پاڅونوال د امنيتي ځواکونو په څنګ کې له ډار اچوونکو سره مبارزه کوي.
غور له هغو ولايتونو دی چې ډېرې غير قانوني وسله والې ډلې په کې فعاليت کوي چې د ياد ولايت د چارواکو په وينا، اوس دغه ډلې له دولت سره همکاري کوي.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن