تالقان (پژواک، ٩ غبرګولى ٩٧) : د تخار دشت کلا ولسوالۍ ته نږدې درې سیمې د وسله والو لاس ته ورغلي چې ورسره ددغې ولسوالۍ ښار له سقوط سره مخ شوی دی.
د دشت کلا ولسوال عبدالقیوم قانع د غبرګولي په ٩مه، پژواک خبري اژانس ته وویل چې وسله والو طالبانو نن سهار شپږ بجې د امنيتي ځواکونو پر پوستو او مورچو بريدونه وکړل.
هغه زياته کړه، طالبان توانیدلي چې د باغ بایان خیر اباد او غاز تپه سیمې ونیسي او ځان د دشت کلا ښار ته نږدې کړي.
ولسوال وایي چې تر اوسه يو ولسي پوليس وژل شوی، د پاڅون کوونکو قوماندان ضابط علم نیول شوی او درې سیمه ییز پولیس ورک دي.
خو د دشت کلا د ښار یوه اوسېدونکي اسدالله پژواک خبري اژانس ته وويل چې وسله والو طالبانو د دشت کلا زوړ ښاړ نیولی.
نوموړی وایي چې طالبان اوس مهال د دغې ولسوالۍ د کلینیک شاوخوا ته دي او د نوي ښار پر لور پرمختک کوي.
خو د تخار امنیتي چارواکي وايي چې مرستندويه ځواکونه سیمې ته ورغلي دي.
دا په داسې حال کې ده چې وړمه ورځ هم وسله وال طالبان وتوانيدل چې د ځینو سيمو په نیولو سره د جګړې کرښه د خواجه غار ولسوالۍ څنډو ته ورسوي.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن