کندهار ښار (پژواک، ٩ غبرګولى ٩٧): په کندهار ښار کې د يوې چاودنې له امله درې کسان وژل شوي او ١٣ نور ټپيان دي.
د کندهار د والي وياند داوود احمدي د غبرګولي په ٩مه پژواک خبري اژانس ته وويل چې چاودنه نن سهار د ښار اړوند د مېوې مارکېټ تر څنګ د مستريانو په سراى کې شوې ده.
هغه زياته کړه چې په دې پېښه کې درې مستريان وژل شوي او ١٣ نور ملکي وګړي ټپيان شوي دي.
دى وايي چې د چاودنې څرنګوالى تر اوسه نه دى معلوم، د پوليسو ټېم ساحې ته رسېدلى او د پېښې په اړه يې څېړنې پيل کړې دي.
د کندهار د ميرويس روغتون يوې سرچينې پژواک اژانس ته وويل چې دوى ته ١٣ ټپيان ور وړل شوي چې د شپږو ټپونه ژور دي.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن