کابل (پژواک، ١١ غبرګولى ٩٧) : ولسمشر غني د زابل د والي خيال محمد حسيني استعفى ومنله او د هغه دنده پاى ته ورسېدله.
د سيمييزو ارګانونو خپلواکې ادارې لخوا د غبرګولي په ١١مه، پژواک خبري اژانس ته په يوه رالېږل شوې خبرپاڼه کې راغلي، چې د زابل والي خيال محمد حسيني څو ورځې مخکې د شخصي او روغتيايي ستونزو له امله استعفى ورکړې وه.
سرچينې زياته کړې، چې ولسمشر غني د هغه استعفى منظوره کړې او په زابل کې د والي په توګه د هغه دنده پاى ته ورسېده.
په خبرپاڼه کې راغلي، چې د زابل د ولایت لپاره د نوي والي تر ګمارل کیدو پورې به ددغه ولایت مرستیال رحمت الله يارمل د ولایت مقام له چارو وارسي کوي.
حسيني تر دې مخکې په ولسي جرګه کې د غزني د خلکو د وکيل په توګه دنده ترسره کړې ده.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن