مزارشريف(پژواک،١٣غبرګولى٩٧):بلخ ولايت کې د کانکور ازموينې د کارت اخيستلو پرمهال يوه نجلۍ مړه شوې او ٢١ نورې ټپيانې شوې دي.
د بلخ د امنيې قوماندانۍ وياند شېرجان دراني د غبرګولي په ١٣مه پژواک خبري اژانس ته وويل چې دغه نجونې د کارت اخيستنې په موخه فاطمه بلخي ښوونځي ته ورغلې وې.
هغه وايي چې د کارت اخيستنې پرمهال د ګڼې ګوڼې له امله يوه نجلۍ مړه شوې او ٢١ نورې ټپيانې شوې دي.
د نوموړي په وينا، دا مهال امنيتي ځواکونه سيمې ته رسېدلي او هرڅه په ګنټرول کې دي.
دغه راز د بلخ د ملکي روغتون سرطبيب ډاکټر نور محمد فيض پژواک ته وويل چې له دې پېښې څخه د يو نجلۍ مړى او ٢١ نورې په ټپي حالت کې دوى ته انتقال شوې دي.
هغه وويل چې د ټپيانو روغتيايي حالت د ډاډ وړ دى.
د يادونې ده چې ډېرى مهال دغه ډول پېښې د خلکو د بې پروايۍ او بې نظمۍ له امله رامنځته کېږي.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن