د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

سرچینه: شاولیکوټ کې د ملي اردو ۲۵ سرتېري وژل شوي

سرچینه: شاولیکوټ کې د ملي اردو ۲۵ سرتېري وژل شوي

Jun 09, 2018 - 17:01

کندهار (پژواک، ۱۹ غبرګولی ۹۷): د کندهار په شاولیکوټ ولسوالۍ کې د ملي اردو پر یوې قرارګاه د وسله والو طالبانو په برید کې دواړو لورو ته درنه مرګ ژوبله اوښتې ده.

پېښه تېره شپه د دغې ولسوالۍ په زنګیتان سیمه کې شوې ده.

په کندهار کې د ملي اردو د ۲۰۵ اتل قول اردو قومندانۍ ویاند ډګرمن خوجه یحيی علوي پژواک خبري اژانس ته وویل، تېره شپه لسګونو وسله والو د شاولیکوټ په زنګیتان سیمه کې د ملي اردو پر یوې قرارګاه برید کړی او د دواړو لورو تر منځ څو ساعته جګړه شوې ده.

هغه زیاته کړه، په جګړه کې دواړو لورو ته مرګ ژوبله اوښتې ده، خو کره شمېره یې معلومه نه ده.

خو یوې باوري امنیتي سرچینې پژواک خبري اژانس ته وویل، د وسله والو په دې برید کې ۲۵ د ملي اردو سرتېري وژل شوي، ۱۰ تنه ټپيان شوي او ۸ تنه نور نادرکه شوي دي.

دغې سرچینې زیاته کړه چې وسله والو مخالفینو ته هم مرګ ژوبله اوښتې ده، خو شمېر یې معلوم نه دی.

د وسله والو طالبانو ویاند قاري یوسف احمدي وايي چې د شاولیکوټ ولسوالۍ په زنګیتان سیمه کې یې د ملي اردو یوه قرارګاه نیولې او ۳۵ سرتېري یې وژلي دي.

هغه رسنیو ته په استول شوي پیغام کې ویلي چې دغه راز ۶ سرتېري نیول شوي او د یو شمېر پوځي ګاډو په ګډون سپکې او درنې وسلې یې نیولي دي.

نوموړي په دې برید کې د ۵ طالبانو د وژل کېدو او ۲ نورو د ټپي کېدو خبره کړې ده.

خو د کندهار ولایت امنیتي ارګانونه د وسله والو طالبانو دغه ادعاوې نه تاييدوي.

کندهار کې د هوا له ګرمېدو او روژې میاشتې له راتلو سره د وسله والو په بریدونو کې ډېروالی راغلی چې د امنیتي ځواکونو تر څنګ یې ملکي وګړو ته هم په وار وار مرګ ژوبله اړولې ده.

ورته راپورونه:

نظر ورکړئ

اعلانونه

Advertisement