د پژواک خدمتونه

د انځورونو څانګه

غږيزه څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

په جوزجان کې اووه پوليس وژل شوي

په جوزجان کې اووه پوليس وژل شوي

Jun 11, 2018 - 17:26

شبرغان(پژواک،۲۱غبرګولی۹۷): د جوزجان ځايي سرچينې وايي چې په شبرغان ښار کې پر يوې امنيتي پوستې د طالبانو په بريد کې اووه ملي پوليس وژل شوي او دوه نور ټپيان دي.

د جوزجان د والي مرستيال انجنير عبدالرحمن محمودي پژواک خبري اژانس ته وويل، نښته تېره نيمه شپه د شبرغان ښار په خواجه برهان کلي کې هغه مهال رامنځ ته شوه چې  يو شمېر طالبانو په ياد کلي کې پر امنيتي پوست ته بريد وکړ.

هغه زياته کړه چې جګړې دوه ساعته دوام درلود چې بالاخره اووه پوليس وژل شوي او دوه نور ټپيان دي،پوسته تر نن سهار پورې تشه وه چې د بېرته فعالولو لپاره يې تازه دمي ځواکونه ور استول شوي دي.

نوموړي وويل چې د پېښې د قربانيانو جسدونه نن سهار روغتون ته لېږدول شوي او نن غرمه يې کورنيو ته وسپارل شول .

د طالبانو وياند ذبيح الله مجاهد په يوه لنډ ټيلېفوني پيغام کې ويلي چې طالبانو تېره شپه د خواجه برخان سيمه کې د پوليسو يوه پوسته نيولې، اته دولتي سرتېري يې وژلي، يو رېنجر موټر، اته ميله کلاشينکوفونه، يو ميل پيکا، يو ميل راکټ، دوه موټر سايکلونه او يوه اندزه مهمات يې نيولي دي.

هغه په دې پيغام کې د يوه طالب د وژل کېدو خبر هم ورکړی دی.

خو د جوزجان د والي مرستيال د خواجه برهان سيمې د امنيتي ځواکونو د تهجيزاتو په اړه وويل چې تر اوسه روښانه نه ده چې طالبانو د پوستې تجهيزات او د سرتېرو موټر بېولی او که يې سوځولی دی.

هغه وويل چې ددغې پېښې د څرنګوالي په اړه سيمې ته د پلټنې پلاوی استول شوی او د دوی  تر څېړنو وروسته به روښانه شي چې د پوستې د پوليسو وسلې او مهمات څه شوي دي.

ورته راپورونه:

نظر ورکړئ

اعلانونه

Advertisement

Etisalat Get more data, Etisalat Afghanistan