ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

پر مقر ولسوالۍ موټر بم بريد کې پنځه پوليس وژل شوي او ٢٦ نور ټپيان دي

پر مقر ولسوالۍ موټر بم بريد کې پنځه پوليس وژل شوي او ٢٦ نور ټپيان دي

author avatar
12 Jun 2018 - 10:54
پر مقر ولسوالۍ موټر بم بريد کې پنځه پوليس وژل شوي او ٢٦ نور ټپيان دي
author avatar
12 Jun 2018 - 10:54

غزني ښار(پژواک،٢٢غبرګولى٩٧): د غزني د مقر ولسوالۍ پر ودانۍ وسله والو طالبانو د موټر بم بريد کړى چې په ترڅ کې پنځه پوليس وژل شوي او د ولسوال په ګډون ٢٦ نور ټپيان دي.

د غزني د والي وياند محمد عارف نوري د غبرګولي په ٢٢مه پژواک خبري اژانس ته وويل چې تېره شپه شاوخوا درې بجې وسله والو طالبانو د هاموې ټانګ په وسيله د مُقر ولسوالۍ پر ودانۍ بريد کړى دى.

هغه وايي چې په دغه چاودنه کې پنځه پوليس وژل شوي او د مقر د ولسوال حبيب الله مقري په ګډون ٢٦ نور ټپيان دي.

ده زياته کړه: (( يواځې همدغه بريد شوى، وروسته ډېرې لږې ډزې شوي چې هغه هم پوليسو کړې دي.))

خو د غزني د ولايتي شورا غړي نصير احمد فقيري بيا وايي چې اوس هم په سيمه کې د طالبانو او امنيتي ځواکونو ترمنځ جګړه روانه ده.

هغه وايي: (( شېبه وړاندې مې چې د ولسوالۍ له مسوولينو سره خبرې وکړې د هوايي ځواک د مرستې غوښتنه يې وکړه او وايي چې سخته جګړه روانه ده.))

د فقيري په وينا، د څو ولسواليو طالبان يوځاى شوي ترڅو مقر ولسوالۍ ته سقوط ورکړي.

وسله والو طالبانو تر اوسه په دې اړه څه نه دي ويلي.

login or register a new account.

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.