د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

هلمند او لوګر کې امنيتي ځواکونو او طالبانو ته مرګ ژوبله اوښتې

هلمند او لوګر کې امنيتي ځواکونو او طالبانو ته مرګ ژوبله اوښتې

Jun 20, 2018 - 11:46

لښکرګاه -پل علم(پژواک،٣٠غبرګولى٩٧): هلمند او لوګر ولايتونو کې د امنيتي ځواکونو او طالبانو ترمنځ جګړه کې دواړه لورو ته مرګ ژوبله اوښتې ده.

د هلمند د والي وياند عمر ځواک د غبرګولي په ٣٠مه پژاوک خبري اژانس ته وويل چې تېره شپه طالبانو د ګرشک ولسوالۍ د عزيز پمپ په سيمه کې د ملي اردو پر پوستې بريد کړى دى.

هغه وايي چې په دې بريد کې څلور طالبان وژل شوي او درې د ملي اردو سرتېري ټپيان دي.

بل لورته طالبان هم دغه بريد تاييدوي.

د ډلې وياند قاري يوسف احمدي پژواک ته وويل چې په دې بريد کې ١٣ حکومتي سرتېري وژل شوي دي.

احمدي په دې جګړه کې د طالبانو د مرګ ژوبلې په اړه څه نه دي ويلي.

دغه راز د يو بل خبر له مخې، لوګر کې هم پوليسو ته مرګ ژوبله اوښتې ده.

د دې ولايت د امنيې قوماندانۍ وياند شاپور احمدزي پژواک ته وويل چې نن سهار د مرکز اړوند د متاڼي په سيمه کې طالبانو پر پوليسو بريد کړى دى.

د هغه په وينا، پوليس خپلې پوستې ته روان و چې طالبانو پرې بريد کړى چې په ترڅ کې يې يو پوليس وژل شوى او دوه نور ټپيان دي.

وسله والو طالبانو په دې اړه څه نه دي ويلي، خو د دې ډلې وياند ذبيح الله مجاهد په خپل ټويټر پاڼه کې ليکلي چې طالبانو پرون مازيګر له محمداغې ولسوالۍ څخه اته سيمه ييز پوليس ژوندي نيولي دي.

د لوګر سيمه ييزو چارواکو په دې اړه تر اوسه څه نه دي ويلي.

د يادونې ده چې وسله والو طالبانو د تېر شوي اختر په درېيو ورځو کې د اوربند اعلان کړى و چې له امله يې خلکو، طالبانو او امنيتي ځواکونو يو ځاى سره ولمانځه، خو له اختر وروسته وسله والو طالبانو په ټول هېواد کې خپلو جګړو ته زور ورکړى دى.

ورته راپورونه:

نظر ورکړئ

اعلانونه

Advertisement