د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

هلمندکې لاريون کوونکو له حکومت او طالبانو د سولې خبرو پيلولو غوښتنه وکړه

هلمندکې لاريون کوونکو له حکومت او طالبانو د سولې خبرو پيلولو غوښتنه وکړه

Jun 24, 2018 - 11:37

لښکرګاه(پژواک،٣چنګاښ۹۷):هلمند کې سلګونو لاريون کوونکو له حکومت او طالبانو څخه د سولې په تړاو د مذاکراتو د پيلولو غوښتنه وکړه.

د هلمند په مرکز لښکرګاه کې د چنګاښ په درېيمه سلګونو قومي مشرانو، ديني عالمان او ځوانانو د سولې په تړاو لاريون وکړ.

د دې کسانو په استازيتوب قومي مشر امير حفيظ الله خان پژواک خبري اژانس ته وويل چې په افغانستان کې د سولې لپاره بايد افغانان په خپلو کې سره خبرې پيل کړي.

هغه وايي: ((خارجيان هيڅ وخت موږ ته سوله نه شي راوستى، دا زموږ خپل کار دى چې بايد سوله وکړو.))

نوموړى زياتوي چې د هلمند يو شمېر اوسېدونکي به طالبانو ته ورشي، ترڅو جګړه بنده او د سولې مذاکراتو لپاره هلې ځلې پيل کړي.

دغه راز بل لاريون کوونکي اخترمحمد باديزي وويل چې افغانان په تېرو ٤٠ کلونو کې د نورو لپاره قربانې ورکړې، خو نور دا کار نه کوي.

ده زياته کړه: ((اوس موږ د اوربند خوند وڅکه، نور کوښښ کوو چې په افغانستان کې د اوربند لپاره کار وکړو ترڅو سوله راشي.))

همدارنګه د هلمند د مدنې ټولنو د همغږۍ دفتر مشر نظرمحمد رودي وويل چې د افغانستان ډېرى اوسېدونکي د سولې غوښتونکي دي، نو حکومت او طالبان بايد هر څه ژر د سولې مذاکرات پيل کړي.

هغه وويل: ((موږ له طالبانو هم د اوربند لپاره موافقه غواړو، د ستونزې د دوامداره حل لپاره بايد د سولې خبرې اترې پيل شي.))

يو شمېر نورو لاريون کوونکو هم ورته څرګندونې وکړې.

دغو لاريون کوونکو د لاريون په پاى کې يو پرېکړه ليک هم صادر کړ چې په کې د سولې د خبرو اترو پر پيل او د سياسي زندانيانو پر خوشې کېدو ټينګار شوى وو.

د يادونې ده چې تېره اوونۍ د هلمند د سوله غوښتوونکو کاروان تر ٣٨ ورځو پلي مزل وروسته کابل ته ورسېدل او له حکومت او طالبانو د سولې مذاکراتو د پيل جدي غوښتنه کوي.

ورته راپورونه:

نظر ورکړئ

اعلانونه

Advertisement