د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

د اندړو ولسوالۍ روغتون دوه کارکوونکو ته مرګ ژوبله واوښته

د اندړو ولسوالۍ روغتون دوه کارکوونکو ته مرګ ژوبله واوښته

Jun 25, 2018 - 14:17

غزني ښار(پژواک،٤چنګاښ٩٧): د غزني په اندړو ولسوالۍ کې پر يو روغتون د هاوان مرمۍ لګېدو له امله دوه روغتيايي کارکوونکو ته مرګ ژوبله اوښتې ده.

د غزني امنيه قوماندان سمونوال فريد احمد مشعل د چنګاښ په څلورمه پژواک خبري اژانس ته وويل چې نن له غرمې مخکې د اندړو ولسوالۍ پر مرکزي روغتون د هاوان مرمۍ لګېدلې ده.

د قوماندان په وينا، د هاوان دغه مرمۍ د وسله والو طالبانو له لوري پر روغتون توغول شوې ده.

د مشعل د معلوماتو له مخې، په دې پېښه کې د دې روغتون د فارمسۍ برخې مرستيال وژل شوى او يو بل واکسيناتور ټپي شوى دى.

دغه راز د غزني د عامې روغتیا ريیس ډاکتر ظاهر شاه نیکمل هم ياده پېښه تاييدوي او وايي چې د فارمسۍ مرستيال ځاى پرځاى وژل شوى او واکسيناتور د درملنې په موخه کابل ته انتقال شوى دى.

وسله والو طالبانو تر اوسه په دې اړه څه نه دي ويلي.

د يادونې ده چې اندړ د غزني ولايت د نا امنو ولسواليو له ډلې څخه ده چې ډېرى وخت په کې د امنيتي ځواکونو او طالبانو ترمنځ جګړې کيږي.

ورته راپورونه:

نظر ورکړئ

اعلانونه

Advertisement