ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

د کابل ښاريان د هوا له ککړتيا شکايت کوي

د کابل ښاريان د هوا له ککړتيا شکايت کوي

author avatar
2 Jul 2018 - 12:44
د کابل ښاريان د هوا له ککړتيا شکايت کوي
author avatar
2 Jul 2018 - 12:44

کابل (پژواک،  ۱۱چنګاښ ٩٧): د کابل ښاريان د چاپېريال له ککړېدو سخت شکايت کوي او وايي چې هوا نوره په ککړېدو ده او ناروغۍ ورسره زیاتې شوې دي.

بلخوا د چاپېريال ساتنې ملي اداره وايي چې په کابل کې د هوا ککړتيا د اندېښنې وړ ده او د مړينې او روغتيايي ستونزو پر يوه مهم عامل بدله شوې ده، خو په دې اړه يې یو لړ اقدامات هم کړي دي.

د کابل ښار د څلورمې ناحيې اوسېدونکى زيارت ګل وايي چې د ګرد، غبار، لوګي او پر سړکونو او لارو کوڅو کې د مرداريو له امله څوک پياده نه شي ګرځېدلى.

هغه پژواک اژانس ته وويل چې پخوا به خلک ډېر کم ناروغ کېدل، خو اوس هره ورځ په هرې کورنۍ کې څو کسان ناروغ وي او روغتونونو ته روان وي.

د کابل ښار د پنځمې ناحيې اوسېدونکى ادريس احمد هم وايي چې پخوا به ملاريا او محرقه يواځې په ختيځو ولايتونو کې وو، خو اوس په کابل کې هم خلک پر ملاريا ناروغۍ اخته کېږي.

دى وايي چې هر چېرې مردارې اوبه ولاړې وې چې له امله يې د ملاريا میاشې پيدا کېږي او بيا د خلکو د ناروغۍ لامل کېږي.

د ښار د نهمی ناحيې اوسېدونکى شېراحمد عثماني بيا وايي چې د حکومت د نه کنټرول له امله زاړه موټر په ښار کې ډېر ګرځي او پر لارو لوګي خوشي کوي.

د هغه په وينا، د دغه لوګي له امله خلک پر بېلابېلو ناروغو اخته کېږي چې له امله يې د مړينې کچه هم لوړه شوې ده.

بلخوا ډاکتران هم وايي چې د چاپېريال د ککړتيا له امله بېلابېل ډول ناروغۍ رامنځته کېږي.

د کابل ښار يو ډاکتر لياقت عادل وايي چې د چاپېر ککړتيا له امله ډېرى تنفسي ناروغۍ، جلدي، د سترګو او نورې ډېرې ناروغۍ پيدا کېږي.

هغه وايي چې د چاپېريال پاک ساتلو لپاره د حکومت تر څنګ خلک هم بايد د ښار په پاک ساتلو کې خپل رول ولوبوي.

د چاپېریال ساتنې ادارې د پلان رييس کاظم همايون هم يادې ستونزې تاييدوي او زياتوي چې په کابل ښار کې د موټرو د زياتوالي له امله فضا ککړه شوې ده.

login or register a new account.

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.