د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

د پکتيا ورزشکاران: د تمرين او لوبو لپاره جمنازيم نه لرو

د پکتيا ورزشکاران: د تمرين او لوبو لپاره جمنازيم نه لرو

Jul 04, 2018 - 13:40

ګردېز (پژواک، ١٣ چنګاښ ٩٧): د پکتيا د بېلابېلو څانګو او کلپونو ورزشکاران شکايت کوي چې د تمرين او لوبو لپاره جمنازيم او نورې اسانتياوې نه لري چې په منظم ډول ورزش وکړي.

دوی وايي چې د چارواکو پر ژمنو سربېره د کرکټ، فوټبال او رزمي لوبو په برخو کې ورته د ورزش زمينه نه ده برابره شوې.

دوی دا خبرې د چنګاښ په ١٣مه له امنيتي ځواکونو د ورزشکارانو د ملاتړ او هڅونې په غونډه کې وکړې.

د پکتيا د موتای فدراسيون مشر او د ملي ټېم قهرمان احمد نذير عمرزي وويل چې د جمنازيم د نه لرلو له امله په ژمي کې تمرين او لوبې نه شي کولی.

عمرزی وايي: ((پکتيا کې د ورزشکارانو تر ټولو لويه ستونزه د جمنازيم نه شتون دی؛ ځکه پکتيا يخ ولايت دى او دلته جمنازيم ډېر ضرور دى، موږ تر دې وروسته هم يو، دوه مياشتې تمرين کوو او له هغه وروسته بيا تمرين او لوبې نه شو کولای.))

په پکتيا کې د اېم، اېم، اې څانګې استازي نور وهاب ثابت هم ورته شکايت لري او وايي چې ورزشکاران په هېڅ برخه کې اسانتياوې نه لري او نه ورته مسوولو مرکزي يا ولايتي ادارې پاملرنه کړې ده.

ثابت وويل: ((موږ جمنازيم نه لرو چې مسابقې دايرې کړو، ځوانان راوغواړو او د نورو ولايتونو له خلکو سره مو اړيکې پخې شي، موږ نورو ولايتونو ته وغواړي، د مېلمه په توګه د دوو شپو لپاره ورځو، خو هغوی نه شو راغوښتلی چې زموږ ځوانان له هغوی او هغوی زموږ له ورزشکارانو څه زده کړي.))

دغه راز بدن ښکلا فدراسيون مشر شريف منګل پر ملي سوداګرو نيوکه کوي چې ورزشکاران نه تشويقوي او لوبو ته د تګ او نورو لګښتونو په برخه کې يې مرسته نه کوي.

منګل پژواک ته وويل: ((په ټوله پکتيا کې ورزشکاران له اقتصادي ستونزو سره مخ دي، ملي تجاران له دوی سره کومک نه کوي، دوی خپله هم داسې بودجه نه لري چې د ورزش لپاره يې مصرف کړي؛ په ودونو او نورو شيانو لکونه روپۍ مصرفوي، خو ورزشکار سره هېڅوک همکاري نه کوي.))

همدارنګه د پکتيا د بدني روزنې امريت مشر ګل کريم سحر وايي چې دمګړۍ په دغه ولايت کې د ۳۶ فدراسيونونو په چوکاټ کې شاوخوا نهه دېرش زره ځوانان په ورزش بوخت دي.

سحر پژواک ته وويل چې د پکتيا ورزشکارانو په هره برخه کې هېواد او پکتيا ته لوی بري راوړي او په ډېری ملي لوبډلو کې د ياد ولايت ځوانان شته، خو وايي امکانات يې پر نشت حساب دي.

نوموړي زياته کړه: ((هېڅ امکانات او هېڅ ځای نلرو په پکتيا کې چې حتی همسايه ولايتونه را دعوت کړو او دلته مسابقې وکړو؛ د تربيت بدني اداره د يو جوړ جمپر برزو د اخيستو بودجه هم نه لري.))

د يادو څرګندونو په غبرګون کې د پکتيا والي شميم خان کټوازی وويل چې د ورزشکارانو په ستونزو خبر دی او د حل لپاره يې هڅې پيل کړې دي.

کټوازي له ورزشکارانو سره ژمنه وکړه چې سږ کال به د فري فايټ او بوکس سياليو قفس ورته جوړوي، د ورزشي ځايونو لپاره به په ښار کې ځمکه ورته بېلوي او د يوه لوی جمنازيم جوړولو چارې به پيلوي.

دی وايي: ((په ښار کې به تاسې د ورزشي کمپلېکس لپاره څلور ځايه ځمکه ولرئ، ستاسو په نوم به وي، رسمي به تاسې ته انتقال وي او عملا مې دا کار شروع کړی دی؛ متيقن يم انشاالله سږکال به يې کار پيلوو او داسې جمناريم به جوړوو چې په افغانستان کې به نه يي.))

د يادنې ده، د پکتيا تر څنګ په نورو ولايتونو ان په کابل کې هم ورزشکاران له يادو ستونزو سره مخ دي.

ورته راپورونه:

نظر ورکړئ

اعلانونه

Advertisement