د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

ننګرهار کې اووه طالبان وژل شوي

ننګرهار کې اووه طالبان وژل شوي

Jul 09, 2018 - 16:59

جلال اباد-اسعداباد(پژواک،۱۸چنګاښ۹۷):ننګرهار کې د افغان ځواکونو په عملياتو کې اووه طالبان وژل شوي او د کونړ ولايت، نورګل ولسوالۍ د داعش وسله والو له شتون څخه پاکه شوې ده.

د ننګرهار د والي وياند عطاء الله خوږياڼي د چنګاښ په ۱۸مه پژواک ته وويل چې تېره ورځ د بټي کوټ ولسوالۍ په مربوطاتو کې د ملي اردو په مشرۍ د سرحدي قواوو، ملي پوليسو او ملي امنيت ځواکونو له لوري د وسله والو د ځپلو په موخه عمليات پيل شول.

هغه وايي، د دغو عملياتو په تېرو ۲۴ ساعتونو کې ۷ طالبان وژل شوي چې د درېيو تنو جسدونه يې هم د جګړې په سيمه کې پاتې شوي او دغه راز د هغوی يو شمېر وسلې او مهمات هم له منځه وړل شوي دي.

بلخوا په ختيځ کې د ملي اردو د ۲۰۱ سيلاب قول اردو مطبوعاتي مسوول ډګرمن شېرين اقا فقيري وويل، چې د "قهر سيلاب پنځه" په نوم د دغو عملياتو موخه د وسله والو ځپل، په سيمه کې د ولسي پاڅون کوونکو ځواکمنتيا او راتلونکو ټاکنو ته د زمينې برابرول دي.

دغه راز د سيمې يوتن قومي مشر ملک صديق پژواک ته وويل، عمليات له پرون راهيسې روان دي؛ خو د نورو جزيياتو په تړاو يې معلومات نه درلودل.

دغه راز د يوبل خبر له مخې، د کونړ ولايت نورګل ولسوالۍ د داعش وسله والو له شتون څخه پاکه شوه.

د کونړ د امنيې قوماندانۍ مطبوعاتي مسوول فريد الله دهقان پژواک ته وويل چې درې ورځې وړاندې افغان ځواکونو د داعش وسله والو د ځپلو په موخه په نورګل ولسوالۍ کې عمليات پيل کړي و.

ده زياته کړه: (( له څه مودې راهيسې د نورګل په مزار درې سيمه کې داعش وسله والو تحرکات پيل کړي و او غوښتل يې چې د اسعداباد-جلال اباد لويه لار نا امنه کړي خو افغان ځواکونو يې پر وړاندې عمليات پيل کړل.))

د هغه د معلوماتو له مخې، په دې عملياتو کې دوه داعش وسله وال وژل شوي، دوه ټپيان دي او يو بل له وسلو سره ژوندى نيول شوى دى.

د هغه په وينا، مزار دره او په ټوله کې نورګل ولسوالۍ د داعش وسله والو له شتون څخه پاکه شوه او افغان امنيتي ځواکونو په کې پوستې جوړې کړې دي.

طالب او داعش وسله والو تر اوسه د يادو دواړو پېښو په اړه څه نه دي ويلي.

داسې مهال داعش وسله وال په نورګل کې وسله وال فعاليت پيلوي چې څو کاله وړاندې دغه ولسوالۍ د سولې ولسوالۍ په نوم، نومول شوې وه.

ورته راپورونه:

نظر ورکړئ

اعلانونه

Advertisement