د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

ناوې ولسوالۍ کې د ٢٧ طالبانو د وژل کېدو ادعا وشوه

ناوې ولسوالۍ کې د ٢٧ طالبانو د وژل کېدو ادعا وشوه

Jul 12, 2018 - 16:25

غزني ښار(پژواک،٢١چنګاښ٩٧): د غزني امنيتي چارواکي وايي چې په ناوې ولسوالۍ کې د افغان امنيتي ځواکونو د هوايي بريد امله ٢٧ وسله وال طالبان وژل شوي دي، خو طالبان بيا دغه څرګندونې ردوي.

د غزني امنيه قوماندان سمونوال فريد احمد مشعل د چنګاښ په ٢١مه پژواک خبري اژانس ته وويل چې تېره شپه افغان امنيتي ځواکونو د ناوې ولسوالۍ په لانګه سيمه کې د طالبانو پر يو مرکز هوايي بريدونه کړي دي.

د هغه د معلوماتو له مخې، په دغو بريدونو کې ٢٧ وسله وال طالبان وژل شوي او ١٤ نور ټپيان شوي دي.

د نوموړي په وينا، په وژل شويو کې د ملا خيرمحمد، ملا قاسم او محمد عبدالله په نومونو د طالبانو ډلمشران هم شامل دي.

خو بل لورته طالبان بيا دغه څرګندونې ردوي.

د دې ډلې وياند ذبيح الله مجاهد پژواک ته وويل چې امنيتي ځواکونو په ناوې ولسوالۍ کې د اوبو پر يوې بمبې هوايي بريدونه کړي دي.

هغه وايي چې په دې پېښه کې دوه کروندګر وژل شوي او طالبانو ته کوم زيان نه دى اوښتى.

د يادونې ده چې د غزني ناوه ولسوالۍ له تېرو  ١٦ کلونو راهيسې له وسله والو طالبانو سره ده.

دغه ولسوالۍ شاوخوا دوه کاله وړاندې امنيتي ځواکونو يواځې د درېيو ورځو لپاره نيولې وه.

ورته راپورونه:

نظر ورکړئ

اعلانونه

Advertisement