د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

ولسمشر غني: نړیوال څارونکي دې د افغان ټاکنو څارنه وکړي

ولسمشر غني: نړیوال څارونکي دې د افغان ټاکنو څارنه وکړي

Jul 12, 2018 - 19:34

بروکسل (پژواک، ۲۱ چنګاښ ۹۷): ولسمشر غني نړیوالو څارونکو ته بلنه ورکړه چې د افغانستان له راتلونکو ټاکنو څخه دقیقه څارنه وکړي.

ولسمشر اشرف غني دغه څرګندونې نن د چنګاښ په ۲۱مه، د بلجیم په پلازمېنه بروکسل کې د ناټو د سرمشریزې غونډې پر مهال د افغانستان په ځانګړې غونډه کې وکړې.

د افغانستان اجرائیه رئیس ډاکټر عبدالله عبدالله او د ملي امنیت سلاکار حنیف اتمر هم په دې غونډه کې ګډون کړی دی.

ولسمشر غني زیاته کړه چې د شخړو هواري، فساد او مجرمینو سره مبارزه، سولې او پرمختګ لپاره هلې ځلې د حکومت مهم کارونه دي.

ده وویل: ((زه او ډاکټر عبدالله همدې لپاره دلته راغلي یو چې له ناټو او متحدینو مننه وکړو، تاسو په افغانستان کې ډېرې قربانۍ ورکړې دي.))

د نوموړي په وینا، د سوېلې اسیا په اړه د ولسمشر ټرمپ اعلان شوې تګلاره د لوبې بدلوونکې ده، د افغانستان لپاره یې یو چانس ورکړ چې خپلو ستونزو ته جدي پاملرنه وکړي.

ولسمشر اشرف غني وویل، چې په افغانستان کې د ډیموکراسۍ لپاره ډېر کار شوی او د راتلونکو ټاکنو لپاره د ۳۴ سلنې ښځو په ګډون ۸،۶ میلیونه خلکو نوم لیکنه کړې ده.

هغه زیاته کړه: ((ولسمشریزې او پارلماني ټاکنې را روانې دي، موږ نړیوالو څارونکو ته بلنه ورکوو چې له دې پروسې څخه څارنه وکړي.))

د ده په خبره، افغانستان ویاړي چې له نړیوالې ټولنې سره یې خپلې ټولې ژمنې عملي کړې دي.

ولسمشر وایی، د افغانستان په عوایدو کې ۷۰ سلنه زیاتوالی راغلی دی، د فساد پر ضد د مبارزې له ۱۹ برخو څخه یې ۱۴ یې عملي شوې دي.

هغه د اصلاحاتو په اړه وویل چې له ۲۰۱۸ کال راهیسې د پولیسو او ملي اردو ۵۳۵ جنرالان تقاعد ته سوق شوي دي.

اشرف غني زیاته کړه: ((موږ په سیمه ییزه او نړیواله کچه د سولې، پانګونې، سوداګرۍ او ټرانزیت په برخو کې خپلې همکارۍ پراخوو.))

ولسمشر وایی، په نړیواله کچه د علماوو او د حرمینو د امامانو له خوا له افغان سولې څخه ملاتړ هیله مندي زیاته کړې ده.

غني وویل چې له عبدالله سره یوځای د دوامداره سولې لپاره خپلو هڅو ته ادامه ورکوي.

ورته راپورونه:

نظر ورکړئ

اعلانونه

Advertisement