ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

ننګرهار کې چاودنې اتو ملکي وګړو او سيمه ييزو پوليسو ته مرګ ژوبله اړولې

ننګرهار کې چاودنې اتو ملکي وګړو او سيمه ييزو پوليسو ته مرګ ژوبله اړولې

author avatar
15 Jul 2018 - 19:29
ننګرهار کې چاودنې اتو ملکي وګړو او سيمه ييزو پوليسو ته مرګ ژوبله اړولې
author avatar
15 Jul 2018 - 19:29

جلال اباد (پژواک، ٢٤ چنګاښ ٩٧) : د ننګرهار ولايت چارواکي وايي چې اچين ولسوالۍ کې د چاودنې له امله د ملکي وکړو په ګ‌‌‌‌‌‌ډون دوه کسان وژل شوي او شپږ نور ټپيان دي.

د ننګرهار د والي وياند عطالله خوږياڼي پژواک ته وويل چې د اچین ولسوالۍ د پېښې اړوند لته بند سیمه کې نن له غرمې وروسته شاوخوا درې بجې او پنځلس دقیقې په یاده سیمه کې د سیمه ییزو پولیسو قوماندان بلال د پلار پر هایلکس ډوله موټر ځای پر ځای شوي ماین چاودنه کړې.

هغه زياته کړه، په دې پېښه کې یو ملکي وګړی او یو سیمه ییز پولیس  وژل شوي او د سیمه ییزو پولیسو د قوماندان پلار جلال پاچا په ګډون ۳ امنیتي منسوبین او درې ملکي وګړي ټپیان شوي،چې د یو تن ټپي وضعیت هم نازک ښودل شوی دی.

د خوږياڼي په وينا د پېښې ټول ټپیان د غني خېلو مرکزي او څېرمه نورو روغتیايي مرکزونو ته لېږل شوي دي.

د نوموړي د معلوماتو له مخې، جلال باچا په سيمه کې د سيمه ييزو پوليسو د تنظيم مسووليت هم پر غاړه درلود.

د ننګرهار د عامې روغتيا رييس ‌‌‌‌‌‌‌ډاکټر نجيب الله کاموال هم پژواک ته وويل  چې د چاودنې له ځايه ورته درې ټپيان او دوه جسدونه د غني خېلو رغتون ته انتقال شوي دي.

د چاودنې مسوليت تر اوسه د دولت کومې وسله واله  مخالفې ‌‌‌‌‌‌ډلې نه دی منلی.

login or register a new account.

ورته موضوع

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.