د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

لغمان او کونړ کې وسله والو طالبانواو سرتېرو ته مرګ ژوبله اوښتې

لغمان او کونړ کې وسله والو طالبانواو سرتېرو ته مرګ ژوبله اوښتې

Jul 15, 2018 - 11:36

جلال اباد، اسعد اباد (پژواک، ۲۴ چنګاښ ۹۷): په لغمان او کونړ ولايتونو کې د نښتو پر مهال وسله والو مخالفينو او د ملي اردو سرتېرو ته مرګ ژوبله اوښتې ده.

په ختيځ کې د ملي اردو چارواکي وایي، د لغمان اليشنګ ولسوالۍ کې يې د نښتې پرمهال اوو وسله والو طالبانو ته مرګ ژوبله اړولې ده.

د ۲۰۱ سيلاب قول اردو مطبوعاتي مسوول ډګرمن شېرين اقا فقيري د چنګاښ په ۲۴مه پژواک ته وويل چې تېره شپه طالب وسله والو د اليشنګ ولسوالۍ په مربوطاتو کې د ملي پوليسو پر پوسته ډله ييز بريد وکړ.

هغه زياته کړه، تر بريد وروسته د ملي اردو ځواکونه د پوليسو مرستې ته ورسېدل او د دواړو لوريو ترمنځ سخته نښته وشوه.

دی وايي، په نښته کې پنځه وسله وال طالبان وژل شوي او دغه راز دوه نور يې ټپيان شوي هم دي.

فقيري وويل، د نښتې پرمهال د ملي اردو او ملي پوليسو سرتېرو ته مرګ ژوبله نه ده اوښتې؛ خو وايي د پوستې ځېنې برخې تخريب شوې دي.

بلخوا په کونړ ولايت کې بيا د ملي اردو پر سرتېرو چاودنه شوې د ه.

دکونړ دامنیه قوماندانۍ مطبوعاتي مسوول فريد الله دهقان پژواک ته وويل چې تېر مازيګر د  ناړۍ ولسوالۍ په ازيرګل سیمه کې د ملي پوځ دوه سرتېري وژل شوي دي.

هغه زياته کړه، دوى خپلې پوستې ته روان وو چې په لاره کې پرې د ماين چاودنه شوې او دوه سرتېري وژل شوي.

وسله والو مخالفينو تر اوسه د يادو پېښو په اړه رسنيو ته څه نه دي ويلي.

ورته راپورونه:

نظر ورکړئ

اعلانونه

Advertisement