د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

خاکجبار کې سېلابونو خلکو ته ځاني او درانه مالي زيانونه اړولي

خاکجبار کې سېلابونو خلکو ته ځاني او درانه مالي زيانونه اړولي

Jul 18, 2018 - 18:34

کابل (پژواک، ٢٧ چنګاښ ٩٧): د کابل په خاکجبار ولسوالۍ کې د سېلابونو د راوتو له امله خلکو ته ځاني او درانه مالي زيانونه اوښتي دي.

د خاکجبار ولسوال قاضي سليمان پژواک خبري اژانس ته وويل، دغه سېلابونه نن سهار د باران د ورښت له امله د دې ولسوالۍ د سيواک، چلاب، طالوخېلو، عبدالله خېلو او زندان کليو کې راوتلي چې له امله يې يو تن په سيواک او بل تن په چلاب سيمه کې مړه شوي او دوه تنه نور په چلاب سيمه کې ټپيان شوي دي.

ده زياته کړه، سېلابونو د دې ولسوالۍ د يادو شويو کليو کروندې، استنادي دېوالونه، ٣ کارېزونه او کابو ٣٠٠ جريبه زراعتي ځمکې ويجاړې کړي او هم يې نږدې سل څاروي له ځانه سره وړي.

د هغه په وينا، دغه راز شاوخوا دوه کيلومتره خامه فرعي سړکونه او هم د ځينو کورونو احاطوي دېوالونه يې هم ويجاړ شوي دي.

ولسوال له اړوندو دولتي او نادولتي ادارو وغوښتل چې د زيانمنو شويو سيمو له کورنيو سره بېړنۍ مرستې وکړي.

خاکجبار د کابل سوېل ختيځ لور ته په کابو ٣٥ کيلومترۍ واټن کې پرته ولسوالۍ ده.

ورته راپورونه:

نظر ورکړئ

اعلانونه

Advertisement