د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

ننګرهار کې د نجونو د یوه ښوونځي ځینې خېمې او وسایل سوځول شوي

ننګرهار کې د نجونو د یوه ښوونځي ځینې خېمې او وسایل سوځول شوي

Jul 19, 2018 - 11:30

جلال اباد (پژواک، ۲۸ چنګاښ ۹۷): د ننګرهار چارواکي وايي چې د دغه ولايت په خوږياڼو ولسوالۍ کې ناپېژاندو وسله والو يوه ښوونځي ته اور اچولی او ځيني وسايل يې سوځېدلي دي.

د ننګرهار د والي وياند عطاءالله خوږياڼي د چنګاښ په ۲۸مه پژواک ته وويل چې د خوږياڼو ولسوالۍ د چمتلې د نجونې لېسې ته تېره شپه نا معلومو کسانو اور اچولی دی.

هغه زياته کړه چې امنيتي مسوولين پر وخت د پېښې ځای ته رسېدلي اور يې مهار کړی او د زيان مخه يې نيولې.

بلخوا د خوږياڼو ولسوال شمس الحق ويلي چې د لېسې ودانۍ او خونې ژغورل شوې، يواځې دوه خېمې چې په کې پنځه فرشونه وو، سوځېدلې دي.

نوموړي وويل چې له پېښې سره د تړاو په تور د يادې لېسې چوکيداران نيول شوي او پوښتنې ترې روانې دي.

بلخوا د ننګرهار د پوهنې رياست وياند محمد اصف شينواري پژواک ته وويل چې په ښوونځي کې د اور لګېدو پر مهال دوه خېمې، نهه پلاستيکي فرشونه او يوه غالۍ سوځېدلي خو نور زيان نه لري.

په دې وروستيو کې د ننګرهار په لرو پرتو سيمو کې د ښوونځيو سوځولو پېښې ډېرې شوې دي.

ورته راپورونه:

نظر ورکړئ

اعلانونه

Advertisement