ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

ننګرهار کې يوه سړي خپله مېرمن او دوه نور کسان وژلي

ننګرهار کې يوه سړي خپله مېرمن او دوه نور کسان وژلي

author avatar
19 Jul 2018 - 16:31
ننګرهار کې يوه سړي خپله مېرمن او دوه نور کسان وژلي
author avatar
19 Jul 2018 - 16:31

جلال اباد (پژواک، ۲۸ چنګاښ ۹۷): د ننګرهار ولايت چارواکي وايي، جلال اباد ښار کې يو سړي خپله مېرمن له دوو نورو کسانو سره وژلې او خپله له سيمې تېښتېدلی دی.

بلخوا په ختيځ کې د بشري حقونو خپلواک کمېسيون په دې وروستيو کې په دغه ولايت کې د ښځو او ماشومانو پر وړاندې د تاوتريخوالي پر زياتېدو اندېښنه لري.

د ننګرهار د والي وياند عطاءالله خوږياڼي د چنګاښ په ۲۸مه پژواک ته وويل چې تېره شپه د جلال اباد ښار درېيمې ناحيې په ګولايي عربانو سيمه کې يو سړي خپله مېرمن او دوه نارينه وژلي دي.

دی وايي، د طاهر خان په نوم دغه سړی په کرايي کور کې اوسېده او تېره شپه له یادې پېښې وروسته له سيمې تښتېدلی دی.

د خوږياڼي په وينا، پوليسو يې د نيولو هڅې او دغه راز يې د پېښې په تړاو هم څېړنې پيل کړې دي.

يوې باوري امنيتي سرچينې پژواک ته ويلي چې ياد کس خپله مېرمن او دوه نور کسان د نا مشروع اړيکو درلودو له امله وژلي دي.

سرچينه وايي، د طاهر خان په نوم دغه کس هغه مهال ياد کسان وژلي چې کور ته د ننوتلو پر مهال يې نامعلوم کسان په خپل کور کې ليدلي دي.

بلخوا په ختيځ کې د بشري حقونو خپلواک کمېسيون په دې وروستيو کې په ننګرهار کې د ښځو او ماشومانو پر وړاندې د تاوتريخوالي پر زياتېدو اندېښنه څرګندوي.

د دغه کمېسيون مشرې صبرينا حميدي د اندېښنې تر څنګ په دې برخه کې د اړوند امنيتي ارګانونو له نه همکارۍ هم شکايت وکړ او ټينګار يې وکړ چې د دې ډول پېښو عاملين بايد تر نیولو کېدو وروسته علني محاکمه او مجازات شي.

login or register a new account.

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.