د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

ژر به خاکجبار کې د برېښنا برجونو جوړولواو ترانسفرمرونو نصبولوکار پيل شي

ژر به خاکجبار کې د برېښنا برجونو جوړولواو ترانسفرمرونو نصبولوکار پيل شي

Jul 22, 2018 - 18:33

کابل (پژواک، ۳۱ چنګاښ ۹۷):د خاکجبار اوسيدونکو د يوې غونډې په ترڅ کې په خاکجبار کې د برېښنا برجونو جوړولواو ترانسفرمرونو نصبولو کار پيل کېدو خوښي څرګنده کړه او په دې برخه کې يې د شينکۍ کړوخېل هڅې وستايلې.

ولسوال قاضي سليمان بسطلوي په خاکجبار ولسوالۍ کې په دې اړه جوړه شوې غونډه کې وويل چې په ١٣٩١ کال کې د دې سيمې خلکو د برېښنا غوښتنه وکړه چې د تدارکاتي پروسې تر ترسره کېدو وروسته يې اوس د برېښنا اړوند توکي دې ولسوالۍ ته رسېدلي دي.

ده زياته کړه، دې ولسوالۍ ته د برېښنا سلګونه پايې، د برېښنا اړوند مزي، د درې برجونو او ٢٣ ترانسفرمرونو مواد را رسېدلي او ډېر ژر به يې د جوړېدو عملي کار پيل شي.

د هغه په وينا، د برېښنا دغه چارې به دوه مياشتې وخت ونيسي او په پايله کې به يې د ولسوالۍ له ٥٢ کليو څخه ٣٠ کليو ته چې د خلکو ٧٠ سلنه جوړوي، په لومړي پړاو کې برېښنا ورکول شي، پاتې نورو کليو ته به برېښنا په دويم پړاو کې ووېشل شي.

ولسوال وايي، نن د خاکجبار د ولس او مسوولينو له خوا د دې ولسوالۍ هغه اوسېدونکي وستايل شول چې د دې برېښنا د چارو په ترسره کولو کې يې عملي ونډه اخيستې وه.

نوموړي دغه راز په دې برخه کې په ولسي جرګه کې د کابل د خلکو د استازې شينکۍ کړوخېل او ځينو نورو مشرانو هڅې وستايلې او په راتلونکي کې يې هم په دې برخه کې له هغوى او ولس نه د همکارۍ غوښتنه وکړه.

د خاکجبار ولسوالۍ د محلي شورا مشر زيارت ګل مبارز وايي، دوی به د پايو په نصبولو او نورو ټولو چارو کې له اړونده ارګانونو سره همکاري وکړي.

هغه له پوليسو سره د امنيت د ټينګښت په برخه کې هم د همکارۍ ډاډ ورکړ.

نښه: 

ورته راپورونه:

نظر ورکړئ

اعلانونه

Advertisement