د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

لوګر کې تړل شوي لسګونه ښوونځي بېرته د زده کوونکو پر مخ پرانیستل شول

لوګر کې تړل شوي لسګونه ښوونځي بېرته د زده کوونکو پر مخ پرانیستل شول

Jul 25, 2018 - 10:38

پل علم (پژواک، ٣ زمرى ٩٧): د لوګر د پوهنې رياست چارواکي وايي چې په دغه ولايت کې تړلي ټول ښوونځي بېرته د زده کوونکو پر مخ پرانيستل شول او ازموينې يې پيل شوې.

د لوګر د پوهنې رياست وياند محمد شاپور عرب د زمري په درېيمه پژواک خبري اژانس ته وويل چې شاوخوا يوه اوونۍ مخکې د طالبانو د ګواښونو له امله په دغه ولايت کې ښوونځي د زده کوونکو پر مخ تړل شوي وو.

دى وايي: ((د زده کوونکو ازموينې هم په نيمايي کې پاتې وې چې په ځينو نورو ولسواليو کې کله چې زمينه برابرېده ازموينې اخيستل کېدې، خو په مرکز پل علم او محمداغې ولسوالۍ کې نن تړلي ٩٠ ښوونځي د زده کوونکو پر مخ بېرته پرانيستل شول او ازموينې يې پيل شوې.))

عرب له کورنيو وغوښتل چې خپل ماشومان د پاتې ازموينو د ورکړې لپاره هر څو ژر ښوونځيو ته واستوي.

دغه راز د محمداغې عالي لېسې د یوولسم ټولګي زده کوونکي عبدالصمد پژواک ته وويل چې نن يې ښوونځى بېرته پرانيستل شوى او د ازموينې لپاره ورغلي دي.

هغه وايي: ((ټول شاګردان خبر نه دي، ځيني راغلي او ځيني نور تر اوسه نه دي راغلي.))

همدارنګه د پوهنې وزارت د نشراتو رييس او وياند کبير حقمل هم پژواک ته وويل چې په لوګر کې تړلي ١٠٣ بابه ښوونځي بېرته د زده کوونکو پر مخ پرانيستل شوي او ازموينې يې پيل شوې.

بل لور ته طالبان هم دغه موضوع تاييدوي.

د دې ډلې وياند ذبيح الله مجاهد پژواک ته وويل چې د يادو ښوونځيو د بېرته خلاصېدو لپاره يو پلاوى دوى سيمې ته استولى و.

هغه وايي چې دغه پلاوي د حکومت له پلاوي او سيمه ييزو طالبانو سره خبرې کړې او هغوى ته يې قناعت ورکړى نو ځکه ښوونځي بېرته پرانيستل شوي دي.

د يادونې ده، په لوګر کې دا مهال ٣٠٧ ښوونيز مرکزونه دي چې د پنځوس زره نجونو په ګډون شاوخوا ١٥٠زره زده کوونکي په کې زده کړې کوي.

نښه: 

ورته راپورونه:

نظر ورکړئ

اعلانونه

Advertisement