د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

د هلمند په نادعلي کې لس طالبان وژل شوي

د هلمند په نادعلي کې لس طالبان وژل شوي

Jul 30, 2018 - 11:55

لښکرګاه (پژواک، ٨ زمرى ٩٧): د هلمند امنيتي چارواکي وايي چې د دغه ولایت په نادعلي ولسوالۍ کې د بهرنيو ځواکونو په هوايي بريدونو کې لس وسله وال طالبان وژل شوي دي.

په هلمند کې د ٢١٥ ميوند قول اردو د مطبوعاتي دفتر مسوول جګړن عبدالقدير بهادرزي د زمري په اتمه پژواک خبري اژانس ته وويل چې تېره شپه بهرنيو ځواکونو د نادعلي ولسوالۍ اړوند سيمو کې هوايي بريدونه کړي دي.

هغه وايي چې په دغو بريدونو کې لس وسله وال طالبان وژل شوي او يو بل ټپي دى.

دغه راز د هلمند د والي وياند عمر ځواک هم د يادې پېښې په تاييد سره پژواک ته وويل چې په نادعلي کې د روانو عملياتو په ترڅ کې يو سيمه ييز پوليس وژل شوى او دوه نور سرتېري ټپيان شوي دي.

ځواک دا هم وويل چې نن سهار د لښکرګاه ښار په دويمه امنيتي حوزه کې د پوليسو پر رينجر د ريموټ کنټرول ماين چاودنه شوې ده.

هغه وايي چې په دې چاودونه کې دوه پوليس ټپيان شوي دي.

وسله وال طالبان هم د نادعلي جګړې تاييدوي.

د دې ډلې وياند قاري يوسف احمدي په خپله ټويټرپاڼه کې ليکلي چې حکومتي ځواکونه د عملياتو په موخه نادعلي ولسوالۍ ته ورغلي وو.

هغه وايي چې دغه ځواکونه د طالبانو له بريد سره مخ شوي چې مرګ ژوبله ورته اوښتې او بېرته پر شا شوي دي.

د يادونې ده، له تېرو څو ورځو راهيسې په نادعلي ولسوالۍ کې د امنيتي ځواکونو له لوري عمليات روان دي.

ورته راپورونه:

نظر ورکړئ

اعلانونه

Advertisement