د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

له ۱۴۹زره ډېرو کسانو لوړو او نيمه لوړو زده کړو موسسو ته لار موندلې

له ۱۴۹زره ډېرو کسانو لوړو او نيمه لوړو زده کړو موسسو ته لار موندلې

Aug 01, 2018 - 16:39

کابل (پژواک، ۱۰ زمرى ٩۷): د لوړو زده کړو وزارت د کانکور پايلې اعلان کړې چې له مخې يې له ۱۴۹زره ډېرو کسانو لوړو او نيمه لوړو زده کړو موسسو ته لار موندلې ده.

د لوړو زده کړو وزير نجيب الله خواجه عمري نن په کابل کې د کانکور ازموينې د پايلو د اعلان په مراسمو کې وويل چې د دغې ازموينې له ټولو څه د پاسه ۱۷۵زره داوطلبانو څخه تر ۱۵۸زرو ډېرو کسانو په ازموينه کې برخه واخيسته.

د هغه د معلوماتو له مخې، په دې پروسه کې تر ۱۴۹زره ډېر کسان بريالي شوي  او د لوړو او نيمه لوړو زده کړو موسسو ته يې لار موندلې ده.

د ده د معلوماتو له مخې، له برياليو کسانو څخه شاوخوا ۶۰زره تنه چې ٣١ سلنه يې نجونې دي د دولتي لوړو زده کړو موسسو او پوهنتونونو  او نږدې  ۱۲۵۰۰ نور د دولتي نيمه لوړو زده کړو موسسو ته بريالي شوي دي.

دى وايي چې په ازموينه کې له برياليو کسانو څخه شاوخوا ۷۶ زره تنه به د لوړو زده کړو نادولتي موسسو د نيمه لوړو زده کړو دولتي موسسو ته وروپېژندل شي، تر څو هلته زده کړې وکړي.

د هغه د معلوماتو له مخې، د کانکور ازموينه کې تر ټولو ډېرې نومرې  (۳۵۳،۴۴۶) د کابل اوسېدونکې تهمينه، دويمه لوړه نومره (۳۴۸.۲۶۹) د هرات اوسېدونکي محمد عمادالدين، درېيمه لوړه نومره (۳۴۸.۲) د باميانو اوسېدونکي مختار   تر لاسه کړې دي.

ده  زياته کړه چې تېر کال د کانکور ازموينې په پروسه کې ۱۵۰ تخطۍ شوې وې؛ خو سږکال يې کچه ٥٠ ته ټيټه شوې ده.

د لوړو زده کړو وزارت د محصلانو چارو مرستيال بري صديقي وويل چې د شپې پوهنځيو، ديني مدرسو او د څوارلسمو ټولګيو فارغانو د کانکور ازموينې پايلې به وروسته اعلان شي.

  تېر کال د کانکور ازموينې له ١٦٩زرو ګډونوالو څخه ١٤٧زره کسان د لوړو او نيمه لوړو زده کړو موسسو ته  بريالي شوي و.

نښه: 

ورته راپورونه:

نظر ورکړئ

اعلانونه

Advertisement