د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

د لغمان په دولت شاه ولسوالۍ کې د لومړي ځل لپاره روغتون جوړېږي

د لغمان په دولت شاه ولسوالۍ کې د لومړي ځل لپاره روغتون جوړېږي

Aug 02, 2018 - 14:35

مهترلام (پژواک، ١١ زمرى ٩٧): د لغمان په دولت شاه ولسوالۍ کې د لومړي ځل لپاره د څه باندې ١٥ ميليونه افغانيو په لګښت يو روغتون جوړېږي

د لغمان د والي وياند سرحدي ځواک د زمري په ١١مه پژواک خبري اژانس ته وويل چې د دغه روغتون ودانۍ جوړولو د بنسټ ډبره پرون دغې ولسوالۍ ته د والي او نورو چارواکو د سفر پر مهال کېښودل شوه.

هغه زياته کړه چې پر دغه شل بستريز روغتون څه باندې ١٥ ميليونه افغانۍ لګښت راځي او چارې به يې په درېيو مياشتو کې بشپړې شي.

ځواک وايي، د دغه بستر لرونکي بشپړ روغتیايي مرکز ودانۍ چې د ولایت لپاره له منظور شوې نا مشروطې بوديجې جوړېږي، د نورو ملحقاتو تر څنګ به ۲۰ خونې ولري.

د لغمان والي محمد اصف ننګ د يادې ولسوالۍ خلکو ته د مبارکۍ ویلو تر څنګ د داسې یو روغتیايي مرکز لپاره د ودانۍ جوړېدل یوه مهمه اړتیا په ګوته کړه.

هغه زیاته یې کړه چې د دغه بستر لرونکي بشپړ روغتیايي مرکز په جوړېدو سره به د دولت شاه ولسوالۍ اوسېدونکو ته د ښو او رغنده روغتیايي خدماتو وړاندې کولو په برخه کې هم لازمه اسانتیاوې رامنځته شي.

د دولت شاه ولسوالۍ يوتن اوسېدونکى زين الله وايي چې تر اوسه دوى خپل سخت ناروغان نږدې ولسوالۍ او يا د ولايت مرکز ته وړلو، خو که اوس دغه شل بستريز روغتون جوړ شي، نو ددوى ډېرې روغتيايي ستونزې به هوارې شي.

ورته راپورونه:

نظر ورکړئ

اعلانونه

Advertisement