کندوز (پژواک، ۱۲ زمری ۹۷): د کندوز پولیس وايي، یو نا مسوول وسله وال قوماندان چې په باجګیریو، انسان تښتونو او وژنو کې یې لاس درلود، د دغه ولایت په خان اباد ولسوالۍ کې نیول شوی دی.
د کندوز امنیه قوماندان مل پاسوال عبدالباقي نورستاني د زمري په ۱۲مه پژواک خبري اژانس ته وویل چې پولیسو پرون ماښام شپږ بجې په خان اباد ولسوالۍ کې یو نا مسوول وسله وال قوماندان له یوې لنډې نښتې وروسته د هغه له یوه کس او دوو تومانچو سره نیولی دی.
نوموړي زیاته کړه: ((دغه قوماندان چې متین نومېږي او پر متینک مشهور دی، له ډېره پخوا په خان اباد ولسوالۍ کې په باج اخیستو، وژنو او انسان تښتونو کې بوخت او د څو بېګناه کسانو پر قتل هم تورن دی.))
د هغه په خبره، نیول شوی قوماندان له لومړنیو پوښتنو وروسته د پولیسو له خوا عدلي او قضايي ارګانونو ته سپارل شوی دی.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن