د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

د ننګرهار ۲۳زره ماشومان لا هم د پوليو له واکسينه پاتې کېږي

د ننګرهار ۲۳زره ماشومان لا هم د پوليو له واکسينه پاتې کېږي

Aug 06, 2018 - 14:57

جلال اباد (پژواک، ۱٥ زمری ۹۷): د ننګرهار د عامې روغتيا رياست وايي چې په دغه ولايت کې لا هم د نا امنيو او په سيمه کې د وسله والو د شتون له امله ۲۳زره ماشومان د پولیو له واکسينه بې برخې پاتې کېږي.

بلخوا د دغه ولايت والي وايي چې د پوليو پر وړاندې د خنډونو کمولو هلې ځلې يې پيل کړې دی څو د قومي مشرانو د منځګړتوب او هم د امنيتي ځواکونو د فعاليت له لارې دغه ستونزه حل کړي.

د زمري په ۱٥مه د ننګرهار ولايت مقام کې د پوليو واکسين د درې ورځني کمپاين پرانيسته وشوه چې تر درېيو ورځو به دوام وکړي.

د عامې روغتيا رييس ډاکتر نجيب الله کامه وال د دغه کمپاين د پرانيستې پر مهال وويل، په دغه کمپاين کې به په ټول ننګرهار کې ۷ سوه زره او ۶۶زره تر پنځه کلنۍ کم عمره ماشومان د پوليو پر وړاندې واکسين شي.

دی زياتوي، لا هم په ځينو لرو پرتو سيمو کې د پوليو واکسين پر وړاندې امنيتي خنډونه موجود دي چې له امله يې په پنځو ولسواليو کې ۲۳زره ماشومان له دغه واکسينه بې برخې پاتې کېږي.

هغه زياته کړه: ((د پچيراګام په پنګزيو، د هسکې مېنې پاپين او اوغز، د نازيانو دوه خولې نازيان، خوږياڼو ولسوالۍ وزيرو تنګي او د لعلپورې ولسوالۍ په رېنا او پارچاو سيمو کې امنيتي مشکلات شته.))

بلخوا د ننګرهار والي حيات الله حيات ډاډ ورکړ چې په دغو سيمو کې د پوليو پر وړاندې د موجوده خنډونو د مخنيوي لپاره يې هلې ځلې پيل کړې دي.

هغه وايي، هم به د ديني عالمانو او قومي مشرانو په منځګړتوب او هلو ځلو او هم به د امنيتي ځواکونو د عملياتو پر مهال ياده ستونزه راکمه کړي.

د ننګرهار د حج او اوقافو رياست استازي لعل خان همت هم ډاډ ورکړ چې د منبرونو له لارې به په ټولو ولسواليو کې د پوليو کمپاينونه وکړي او ملا امامان به خلک وهڅوي چې خپلو ماشومانو ته واکسين ورکړي.

په ورته وخت کې د ننګرهار د کتلوي معافيت ادارې استازي قدرت الله شکېب وويل چې د دغه کمپاين پر مهال به د پوليو پر واکسين سربېره تر پنځه کلنۍ کم عمره ماشومانو ته د ويټامين اې کمپسول هم وکړي.

ورته راپورونه:

نظر ورکړئ

اعلانونه

Advertisement