د مخابراتو او معلوماتي ټکنالوجۍ وزارت او چاينا ټېلېکام تر منځ د واخان دهليز له لارې( له بروغیل څخه د چين تر سرحده) د نوري فايبر پروژې د غځېدو د سروې پروژې تړون د افغانستان اسلامي جمهوريت د جمهور رئیس جلالتمآب محمد اشرف غني په مشرۍ د ملي تدارکاتو کمېسيون په ۱۵۹مه غونډه کې چې په ولسمشرۍ ماڼۍ (ارګ) کې تر سره شوه، منظور شو.
ددغه پروژې له عملي کېدو سره به د نورو هېوادونو څخه د انټرنيټي خدمتونو د وړاندې کولو په برخه کې افغانستان پر ځان بسیا شي، تر څنګ به يې د افغانستان د نوري فايبر په پراختيا او پیاوړتيا کې مهم رول ولوبوي او د ورېښمو ډيجيټلي لارې د رامنځته کولو په برخه کې به اساسي رول ولري.
دغه راز د دغه پروژې په پلي کېدو سره به افغانستان نه یواځې د ورېښمو تاريخي لارې څخه د اروپا او بېلابېلو اسيايي هېوادونو سره وتړل شي، بلکې کولای شي، د پاکستان، هندوستان، ایران، ازبکستان، چين او تاجکستان هېوادونو تر منځ به د مخابراتو په برخه کې د ډیجيټلي څلور لارې دنده هم تر سره کړي. د دې پروژې په پلي کېدو سره له یوه اړخه په افغانستان کې د نوري فايبر شبکه پراخه او کيفيت یې لوړیږي او له بله پلوه به د انټرنيت په بېو کې د پام وړ بدلون راشي.
دغه سروې چې ۱۱۷ کيلومتره ساحه کې تر سره کېږي، دوه مياشتې وخت نيسي او د نړيوال بانک په بلا عوضه مالي همکارۍ تر سره کېږي.
د افغانستان د مخابراتو او معلوماتي ټکنالوجۍ وزارت ژمن دی چې په هېواد کې د نوري فايبر شبکه پراخه او هېوادوالو ته په کمه بېه د انټرنيټي او مخابراتي خدماتو د وړاندې کولو تر څنګ با کېفيته خدمات وړاندې کړي.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن