د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

د سولې ولسي حرکت بلخ ته لوڅې پښې پلى حرکت پيل کړ

د سولې ولسي حرکت بلخ ته لوڅې پښې پلى حرکت پيل کړ

Aug 10, 2018 - 11:55

کابل (پژواک، ١٩ زمرى ٩٧) : د سولې ولسي حرکت نن سهار له کابل څخه د بلخ ولايت پورې لوڅې پښې پلى حرکت پيل کړ.

ددې حرکت يو تن غړي بسم الله وطندوست د زمري په ١٩مه، پژواک خبري اژانس ته وويل، چې دوى نن سهار شاوخوا لس بجې له کابل څخه د بلخ په لوري روان شول.

هغه زياته کړه، چې بلخ ته د روان شوي کاروان غړي لسګونه ، خو ٢٠ تنه يې لوڅې پښې دي.

نوموړي وويل، چې له کابل څخه تر بلخ ولايت پورې ٥٥٠ کيلو متره واټن دى او دوى به هره ورځ د اټکل له مخې پنځه کيلو متره پلى مزل کوي.

وطندوست وايي، چې دوى به په راتلونکو دوو مياشتو پورې د بلخ ولايت مزار شريف ښار ته ورسېږي.

ده زياته کړه : (( زموږ ددې حرکت موخه د جګړې پر ښکېلو اړخونو د اوربند او دايمې سولې لپاره فشار راوستل دي. ))

هغه وويل، چې په لاره کې ټول مېشت ولسونه بايد ددوى د سولې غږ بدرګه کړي او ددوى حرکت تقويه کړي.

دغه حرکت لومړى له هلمند څخه پيل شوى و او تر کابله پورې يې په ٣٧ ورځو کې پلى مزل وکړ، کابل ته له رسېدلو سره سم يې ولسمشر سره وليدل.

وروسته دوى په کابل کې د امريکا، پاکستان، ايران، روسيې، بريتانيا سفارتونو، ملګرو ملتونو، اروپايي اتحاديې دفترونو مخې ته خيمې ووهلې ، د ناټو او اسلامي کنفرانس سازمان ته يې ليکونه وسپارل.

نښه: 

ورته راپورونه:

نظر ورکړئ

اعلانونه

Advertisement