کابل (پژواک، ۲۰ زمری ۹۷) : د هېواد امنيتي او دفاعي مرکزونه او تاسيسات په انټرنېټ او معلوماتي ټکنالوجۍ سمبالیږي، او په همدې موخه نن تړونونه لاسلیک شول.
دمخابراتو او معلوماتی ټیکنالوجۍ وزارت ویاند سایر ځلاند د زمري په ۲۰مه، پژواک خبري اژانس ته وویل، چې مخابراتي خدماتو پراختيا، د الکټرونيکي حکومتولۍ ترويج، د معلوماتي ټکنالوجۍ د زیربناو رامنځته کول او د عامه اسانتياو برابرول د افغانستان د مخابراتو او معلوماتي ټکنالوجۍ وزارت د مسؤوليتونو څخه دي.
هغه زیاته کړه، چې په همدې موخه د مخابراتو او معلوماتي ټکنالوجۍ وزارت وزیر محترم شهزاد آريوبي په همدې موخه د هېواد د امنيتي او دفاعي مرکزونو او تاسيساتو او د کورنيو چارو او دفاع وزارتونو ددغه اړتياو د پوره کولو او د انټرنېټ او نوري فایبرشبکې سره ددغه مرکزونو د نښلېدو لپاره د په داسې حال کې چې د افغان ټېلیکام مخابراتي شرکت رئیس او د نړيوالو همکارانو استازو ګډون درلود دوه بېلابېل هوکړه لیکونه لاسلیک کړل.
ځلاند وایي، ددغه دوه اړخيزه هوکړه لیکونو له مخې، د افغان ټېلېکام مخابراتي شرکت ددغه پروژې د عملي کېدو مسؤوليت پر غاړه لري او د نوري فايبر د شبکې د تهيه کولو او لوړ ظرفيت بنډوېټ په ورکولو سره، همکاري کوي چې تر څنګ يې د نرخونو د کمښت او د حفظ و مراقبت په برخه کې د اړوندو وزارتونو سره همکاري کوي.
د ويلو ده چې ددغه پروژې مالي همکاري په افغانستان کې د غوڅ ماموريت د دفتر له خوا ورکول کېږي او تخنيکي چارې يې د مخابراتو او معلوماتي ټکنالوجۍ وزارت پر مخ بیايي.
Visits: 1
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن