د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

"د مور د شيدو خوړل ماشومان له بېلا بېلو ناروغیو ژغوري"

"د مور د شيدو خوړل ماشومان له بېلا بېلو ناروغیو ژغوري"

Aug 11, 2018 - 15:31

فیض اباد (پژواک، ٢٠ زمری ٩٧): د بدخشان روغتیايي چارواکي وايي، ځينې کورنۍ د مور شېدو د ګټو په اړه د نه پوهاوي او غلطو رواجونو له امله ماشومانو ته شيدې نه ورکوي چې دا په ماشومانو کې د خوارځواکۍ د رامنځته کېدو لامل ګرځي.

د بدخشان د عامې روغتیا ریاست مرستیالې نوشین ګهر نن په فیض اباد کې ماشومانو ته د مور شیدو ورکولو اوونۍ په نمانځغونډه کې وویل، ماشومانو ته د مور شیدو نه ورکول د خوارځواکۍ یو لامل دی.

نوموړې زیاته کړه، د روغتیايي کاروکوونکو له نظره یادې خبرې ته د کورنیو نه پاملرنه د اندېښنې وړ ده او په بدخشان کې تېره یوه میاشت د خوارځواکۍ ناروغۍ شاوخوا ۴۰ ناروغان ولایتي روغتون ته ور وړل شوي دي.

د هغې په خبره، په داسې حال کې چې د ماشومانو د خوارځواکۍ یو لامل د مورنیو شیدو نه خوړل دي؛ خو یو شمېر میندې د ناسمو رواجونو له امله ماشومانو ته شیدې نه ورکوي.

نوموړې وویل: ((موږ له ټولو دینې عالمانو او رسنیو غواړو چې د جوماتونو او منبرونو له لارې کورنیو ته د مور شیدو د ګټو په اړه پوهاوی ورکړي؛ څو ټولنې ته روغ او سالم ماشومان وړاندې کړي.))

د بدخشان مرستیال والي اختر محمد خیرخواه وویل، د نننۍ نړۍ شعار «د مور د شیدو خوړل د ژوند اساس دی» دي؛ خو یو شمېر کورنۍ ماشومانو ته د مور شيدې نه ورکوي او له پوډري شيدو څخه استفاده کوي.

په بدخشان کې د نړیوال روغتیايي سازمان مسوول ډاکتر اسدالله نعیمي د مور شیدې قوي واکسین وباله چې ماشومان له ناروغیو ژغوري.

د هغه په خبره، په داسې حال کې چې ماشومانو ته د مور د شیدو ورکول د ماشوم او مور تر منځ د مهربانۍ اړیکې جوړوي خو ځینو ماشومانو ته په ښه ډول خوراک نه ورکول کېږي.

د فیض اباد ولایتي روغتون سرطبیب حبیب الرحمن حاذق وویل، ماشومانو ته د شیدو ورکول میندې د سینې له سرطان څخه ژغوري او د مور د وینې غوړ له منځه وړي.

هغه زیاته کړه، د پوډري شېدو کارول سربېره پر دې چې د ماشوم په فزیکي او فکري وده منفي اغېز کوي په ماشومانو کې د بېلا بېلو ناروغیو لامل ګرځي او د اقتصادي اړخه هم کورنیو ته زیان رسوي.

ورته راپورونه:

نظر ورکړئ

اعلانونه

Advertisement