د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

تخار کې خلکو د ټاکنیزو کمېسیونونو دروازې تړلې

تخار کې خلکو د ټاکنیزو کمېسیونونو دروازې تړلې

Aug 14, 2018 - 15:23

تالقان (پژواک، ٢٣ زمرى ٩٧): د تخار سلګونو اوسېدونکو د ولسي جرګې د نوماندانو له وروستي لېست څخه د يو کانديد نوم لرې کولو په غبرګون کې د دغه ولايت د ټاکنيزو کمېسيونونو دروازې وتړلې.

دا په داسې حال کې ده چې د ټاکنيزو شکايتونو کمېسيون دوه ورځې وړاندې د خلکو د شکايتونو پر بنسټ د ٣٥ نوماندانو نومونه له وروستي لېسته لرې کړل چې له امله يې د دغو کانديدانو د پلويانو غوسه را پارېدلې ده.

د تخار سلګونه اوسېدونکي نن په مرکز تالقانو کې د ولسي جرګې د نوماند اسدالله ايوب په ملاتړ را ټول شوي وو.

د دغو اعتراض کوونکو له ډلې محبوب الله پژواک ته وويل چې د ټاکنيزو شکايتونو کمېسيون له اسدالله ايوب سره زياتى کړى دى.

هغه وايي چې د ايوب پلويانو نن په دغه ولايت کې د ټاکنيزو شکايتونو او ټاکنو کمېسيون دروازې وتړلې.

دغه راز بل اعتراض کوونکي محمد شجاع وويل که چېرې د دوى غږ وانه ورېدل شي نو دوى به د ولايت او امنيې قوماندانۍ دروازې هم وتړي.

ده زياته کړه: ((نن مو د کمېسيونونو دروازې وتړلې او مخې ته مو ورته خېمه و وهله زموږ غږ بايد حتمن واورېدل شي، کنه نور حرکتونه هم پيلوو.))

همدارنګه بل اعتراض کوونکي باباخان حيدري وويل چې د ټاکنيزو شکايتونو کمېسيون د اسدالله ايوب تر څنګ له يو شمېر نورو کانديدانو سره سليقوي چلند کړى دى.

ده وويل: ((زموږ غوښتنه له حکومتي چارواکو دا ده چې زموږ غږ واوري، که چېرې دا کار ونه کړي په تخار کې د ټاکنو ترسره کېدو ته اجازه نه ورکوو.))

يو شمېر نورو اعتراض کوونکو هم ورته څرګندونې وکړې.

بل لور ته د تخار د ټاکنو کمېسيون رييس سيد روح الله موسوي له اعتراض کوونکو غوښتنه وکړه چې د ټاکنيزو کمېسيونونو دروازې خلاصې کړي څو دوى وکولاى شي خپلې چارې پر مخ بوځي.

هغه اعتراض کوونکو ته په خطاب کې وويل: ((که تاسو دروازې وتړلې موږ هېڅ هم نه شو کولاى ټول کارونه شاته پاتې کېږي، نو بايد دروازې خلاصې شي.))

د يادونې ده، د کابل په ګډون په ډېر شمېر ولايتونو کې اعتراض کوونکو د خپلو نوماندانو د ملاتړ په موخه د ټاکنيزو کمېسيونونو دروازې تړلې دي.

ورته راپورونه:

نظر ورکړئ

اعلانونه

Advertisement