د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

کابل کې پر يوه ښوونيز مرکز ځانمرګي بريد ١١٥ تنو ته مرګ ژوبله واړوله

کابل کې پر يوه ښوونيز مرکز ځانمرګي بريد ١١٥ تنو ته مرګ ژوبله واړوله

Aug 15, 2018 - 16:41

درېيم تعقيب - کابل (پژواک، ۲۴ زمری ۹۷): د کابل  ښار په دشت برچي سيمه کې د "مهدي موعود" په نوم خصوصي ښوونيز مرکز کې ځانمرګي بريد ٤٨ تنه وژلي او ٦٧ نور يې ټپيان کړي دي.

د عامې روغتيا وزارت وياند وحيدالله مجروح وايي چې تر دې دمه له دغه بريد څخه ٤٨ مړي او ٦٧ ټپيان روغتونونو ته لېږدول شوي دي.

د کابل پوليسو د ۱۰۱ اسمايي زون قوماندانۍ وياند حشمت ستانکزي پژواک خبري اژانس ته وويل چې دغه بريد نن له غرمې وروسته په شاوخوا څلور بجو د کابل ښار په اتلسمې امنيتي حوزه کې پر ياد مرکز شوى دى.

ولسمشر محمد اشرف غني دغه بريد غندلى او ويلي يې دي: "وحشي تروریستان  د ښوونیزو او فرهنګي مرکزونو په نښه کولو سره په ډاګه کوي چې دوی د اسلامي ارزښتونو او د محمد(ص) د لارښوونو چې د علم زده کړه یې په نر او ښځه فرض ګرځولې ده، خلاف دي."

نوموړي اړوندو مسوولینو ته لارښوونه کړې چې د دې دردناکې پېښې د رامنځته کېدو څرنګوالی وارزوي، ټپیانو او د قربانیانو کورنیو ته دې عاجله رسېدګي وکړي.

د وسله والو طالبانو وياند ذبيح الله مجاهد ويلي چې دغه بريد په دوى پورې تړاو نه لري.

ورته راپورونه:

نظر ورکړئ

اعلانونه

Advertisement