د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

امنيت شورا: د کابل پرونۍ پېښه به هر اړخېزه وڅېړل شي

امنيت شورا: د کابل پرونۍ پېښه به هر اړخېزه وڅېړل شي

Aug 16, 2018 - 10:52

کابل (پژواک، ٢٥ زمرى ٩٧): د ملي امنيت سلاکار د کابل پرونى ځانمرګى بريد غندلى او د دغه برید د هر اړخېزې څېړنې سپارښتنه یې کړې ده.

پرون له غرمې وروسته د کابل ښار د ١٨مې امنیتي حوزې اړوند د دشت برچي په سيمه کې پر يوه ښونيز مرکز ځانمرګى بريد وشو.

د عامې روغتيا وزارت پرون په دې پېښه کې د ٤٨ کسانو د وژل کېدو او ٦٧ نورو د ټپي کېدو خبر ورکړى و، خو د دغه وزارت وياند ډاکتر وحيد مجروح وايي چې دوی د پروني برید د مرګ ژوبلې په ارقامو کې تېروتنه کړې ده.

هغه د زمري په ٢٥مه پژواک ته وويل چې په دغه بريد کې ٣٥ کسان وژل شوي او ٥٧ نور ټپيان دي.

بلخوا د ولسمشر د ملي امنيت سلاکار حنيف اتمر دغه بريد غندلى او د پلټنو او څېړنو امر يې کړى دى.

د ملي امنيت شورا له خوا پژواک اژانس ته په يوه رالېږل شوې خبرپاڼه کې راغلي، ترهګرو په خپلو بريدونو سره دا ثابته کړه چې دوی د اسلام د مبين دين د ټولو لارښوونو په خلاف د علم او پوهې مخه نيسي څو خپلو شومو او غير انساني اهدافو ته ورسېږي.

ده زياته کړې: ((زه د ترهګرو دغه ستر وحشيانه جنايت او غير اسلامي عمل پر کلکه غندم، زموږ ستر ملت به پر ملکي وګړو د دې ډول وحشيانه بريدونو عاملان هېڅکله ونه بښي.))

هغه وايي، اړوندو ارګانونو ته هدايت شوی چې د پېښې د هر اړخيزې څيړنې تر څنګ ټپيانو ته بېړنۍ رسېدنه وکړي.

ورته راپورونه:

نظر ورکړئ

اعلانونه

Advertisement