ميمنه (پژواک، ۲۵زمری ٩٧): د فاریاب سیمه ییزې سرچینې وايي، د دغه ولایت د شېرین تګاب ولسوال له درېیو نور کسانو سره یو ځای طالبانو وژلی دی.
د اندخوی ولسوال سلطان سنجر پژواک خبري اژانس ته وویل، د شېرین تګاب ولسوال خواجه سراج الدین نن مازیګر د دولت اباد ـ اندخوی پر لویه لار له درېیو نورو کسانو سره یو ځای د طالبانو له لوري پر ډزو ویشتل شوی او هایلکس موټر یې طالبانو له ځان سره وړی دی.
هغه زیاته کړه، سیمې ته د جسدونو د انتقال لپاره سپین ږیري تللي دي.
یوې باوري امنیتي سرچینې پژواک خبري اژانس ته وویل، د شېرین تګاب ولسوال، د هغه یو زوی، خوريی او موټر چلوونکى یې اندوخوی ولسوالۍ ته روان و چې طالبانو درولي او پر ډزو یې ويشتلي دي.
د اندخوی اوسېدونکي او قومي مخور سيد اسلم د دغه خبر په تاییدسره پژواک ته وویل، سپین ږیري د وژل شوو کسانو د جسدونو د انتقال لپاره سیمې ته تللي دي.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن