د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

کندهار ښار کې چاودنې څلور پولیس وژلي

کندهار ښار کې چاودنې څلور پولیس وژلي

Aug 16, 2018 - 10:38

کندهار (پژواک، ۲۵ زمری ۹۷): په کندهار ښار کې د یوې چاودنې له امله څلور پولیس وژل شوي او درې نور ټپیان شوي دي.

پېښه تېره شپه شاوخوا دوولس بجې د کندهار ښار د ۱۱مې حوزې اړوند په دویمه عینو مېنه کې رامنځته شوې ده.

د کندهار د والي ویاند عزیزاحمد عزیزي پژواک خبري اژانس ته وویل، پولیسو په دې ساحه کې له چاودېدونکو توکو ډک موټر کشف کړی و چې د شنډولو پر مهال یې چاودنه وکړه.

هغه زیاته کړه، په دې پېښه کې دوه پولیس وژل شوي او څلور نور ټپيان دي.

خو یوې امنیتي سرچینې پژواک ته وویل چې چاودنه د ۱۱مې امنیتي حوزې پر مرستیال نیازمحمد چې په دې ساحه کې له نورو پولیسو سره پر تلاشۍ بوخت و، شوې ده.

دغه سرچینه وايي چې په دې پېښه کې څلور پولیس وژل شوي او د نیازمحمد په ګډون درې پولیس ټپيان دي.

د دې پېښې مسوولیت تر دې مهاله چا پر غاړه نه دی اخیستی.

په کندهار کې په دې وروستیو کې د وسله والو بریدونه او د ماین چاودنې ډېرې شوې چې ډېری مهال د امنیتي ځواکونو تر څنګ ملکي وګړو ته هم مرګ ژوبله په کې اړوي.

ورته راپورونه:

نظر ورکړئ

اعلانونه

Advertisement