د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

بغلان کې پنځو سیمه ییزو پولیسو ته مرګ ژوبله اوښتې

بغلان کې پنځو سیمه ییزو پولیسو ته مرګ ژوبله اوښتې

Aug 20, 2018 - 17:10

پلخمري (پژواک ۲۹ زمری ۹۷): د پلخمري ښار اړوند سیمه کې د وسله والو طالبانو د برید له امله دوه سیمه ییز پولیس وژل شوي او د يوه قوماندان په ګډون درې نور ټپیان دي.

ځايي سرچینو د زمري په ۲۹ پژواک خبرى اژانس ته وویل وسله والو طالبانو نن له غرمې وروسته د بالادوري په سیمه کې د سیمه ییزو پولیسو د قوماندان محمد خان پر هاموې موټر برید وکړ چې په ترڅ کې یې دوه پولیس ووژل شول او د یاد قوماندان په ګډون درې نور ټپیان شول.

د سرچینې په وینا، په دغه برید کې د سیمه ییزو پولیسو ټانګ هم سوځېدلی دی .

د بغلان امنیتي مسوولین بیا له دې پېښې ځان ناخبره ښيي.

د پلخمري د ملکي روغتون سرطبیب، ډاکتر محمد انور وردګ پژواک ته وویل چې له دې پېښې دوه مړي او یو ټپي روغتون ته ور وړل شوي دي.

ډاکتر وردګ زياته کړه چې ټپي که څه هم بدن یې سوځېدلی خو روغتیايي حالت یې ډاډمن دی او جسدونه د سیمه ییزو پولیسو دي چې د طالبانو له خوا برید کې وژل شوي.

وسله والو طالبانو د یادې پیښې په اړه تر اوسه څه نه دي ویلي.

د یادونې ده، دوه ورځې مخکې هم طالبانو د ډنډغوري اړوند په سرخ کوتل سیمه کې پر سیمه ییزو پولیسو برید کړی و چې په ترڅ کې یې ۷ سیمه ییز پولیس وژل شوي وو.

ورته راپورونه:

نظر ورکړئ

اعلانونه

Advertisement