ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

د پروان د سیاه ګرد ولسوالۍ د شورا احتمالي نوماند تښتول شوی

د پروان د سیاه ګرد ولسوالۍ د شورا احتمالي نوماند تښتول شوی

author avatar
25 Aug 2018 - 16:35
د پروان د سیاه ګرد ولسوالۍ د شورا احتمالي نوماند تښتول شوی
author avatar
25 Aug 2018 - 16:35

چاريکار (پژواک، ٣ وږی ٩٧): د پروان سیمه یيزې سرچینې وايي، طالبانو نن سهار د پروان ولایت د سیاه ګرد ولسوالۍ احتمالي نوماند د فوټبال له میدانه تښتولی دی.

د سیاه ګرد ولسوال نوراقا سامع پژواک خبري اژانس ته وویل، ځواکمن نن سهار د دغه ولسوالۍ  په سرخي سیمه کې د فوټبال لوبه کوله چې وسله والو طالبانو تښتولی دی.

نوموړي زیاته کړه: ((ګل خان د پروان پوهنتون د ژورنالېزم پوهنځي زده کړیال او د فوټبال مینه وال دی، څو ورځې مخکې یې په سیاه ګرد ولسوالۍ کې د فوټبال یو لوبغالی جوړ کړی و او طالبانو له دې لوبغالي سره مخالفت وکړ او د دغه ولسوالۍ احتمالي نوماند ته یې ګواښ کړی و.))

د هغه په خبره، سپین ږیري طالبانو ته ورغلي دي، طالبانو ویلي چې ځواکمن به له څېړنو وروسته خوشی کړي.

طالبانو تر اوسه په دې اړه څه نه دي ویلي، خو د ماهر افغان په نوم یوه کس چې په خپله فېسبوک پاڼه د طالبانو ځيني راپورونه خپروي لیکي: ((د سیاه ګرد ولسوالۍ شورا ته احتمالي نوماند ګل خان د طالبانو د استخباراتو له خوا نیول شوی دی.))

دا په داسې حال کې ده چې د راپورونو له مخې، څه موده وړاندې د یاد ولایت د شینوارو ولسوالۍ احتمالي نوماند عبدالشکور هم طالبانو تښتولی و خو بېرته راخوشی شو.

دغه راز د یو بل خبر له مخې، تېره شپه د بګرام په هوايي ډګر چېرې چې بهرني ځواکونه مېشت دي راکټي برید ترسره شوی دی.

د بګرام ولسوال سیف الله بیدار وویل، تېره شپه څو راکټونه په هوايي ډګر توغېدلي دي خو په هوايي ډګر کې د مېشتو بهرنیو ځواکونو له خوا شنډ شوي او مرګ ژوبله نه لري.

وسله وال طالبان وايي، دغه راکټونه د دوی له لوري توغول شوي. دوی له جزئیاتو پرته ويلي، د دغه راکټونو په نتیجه کې یې بهرنیو ځواکونو ته مرګ ژوبله اوښتې ده.

بهرنیو ځواکونو تر دې دمه په دې اړه څه نه دي ويلي.

دغه راز د بدخشان سیمه ييز چارواکي وايي چې وسله والو طالبانو تېره شپه دوه بجې د دغه ولایت د نُسي درواز ولسوالۍ څارونوال نیولی دی.

د بدخشان د امنیې قوماندانۍ د اوپراسیون امر سمونوال امام علی عزیزي وویل، یاد څارونوال احمدخان چې د اختر په ورځو کې راوند کلي ته خپلې کورنۍ ته تللی و، تېره شپه د بېرته راستنېدو پر مهال طالبانو نیولی او شاخ درې سیمې ته یې لېږدولی دی.

login or register a new account.

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.