لښکرګاه (پژواک، ۳ وږی ۹۷): ځايي چارواکي وايي چې د اختر په ورځو کې په هلمند ولايت کې د ترافيکي پېښو له امله ١٠ کسان مړه او ٩٨ نور ټپيان شوي دي.
د هلمند د بُست روغتون رييس ډاکتر احمد ضياء حيات وايي چې یاده مرګ ژوبله د اختر په لومړيو څلورو ورځو کې خلکو ته اوښتې ده.
هغه زياته کړه، دوی ته ور وړل شوي ډېری هغه ځوانان دي چې د موټرسايکلونو د ټکر او چپه کېدو له امله ټپیان دي شوي ډي.
حيات وايي چې په مړو او ټپیانو کې ښځې او ماشومان هم شامل وو.
د نوموړي په وينا، ډېرى ټپيان له درملنې وروسته رخصت شوي او لږ شمېر یې اوس هم په روغتون کې دي.
د عبدالجبار په نوم يوه ټپي پژواک ته وويل چې د اختر په دويمه ورځ د موټرسايکل د ټکر له امله ټپي شوى دى.
نوموړي له مسوولینو غوښتنه وکړه چې په دې برخې ته جدي پاملرنه وکړې، څو د دې ډول پېښو مخه ونیول شي.
یوه بل ټپي نورمحمد پژواک ته وویل، تېره ورځ یې د دغه ولایت په ناوې ولسوالۍ له موټرسایکل سره يې کر وکړ،چې له امله يې ټپي شوى.
د هلمند د ترافیکو مدیر میرزاخان روحاني وویل د تېر کال په پرتله سږ کال پېښې کمې دي؛ ځکه تېر کال تر ۱۵۰ ډېرې پېښې شوې وې، خو سږ کال لږې دي.
هغه زیاته کړه، د پېښو لامل دا دی چې له ولسوالیو ځیني ځوانان راځي او په ترافیکي اصولو نه پوهېږي، دغه راز د اختر په ورځو کې په ښار کې ګڼه ګوڼه وي. You need to subscribe to view the full article. Please login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن