د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

چارواکي: پکتيا کې ٤١ وسله والو طالبانو ته مرګ ژوبله اوښتې

چارواکي: پکتيا کې ٤١ وسله والو طالبانو ته مرګ ژوبله اوښتې

Aug 29, 2018 - 14:43

ګردېز (پژواک، ٧ وږى ٩٧): د پکتيا سيمه ييز مسوولين وايي چې افغان ګډو ځواکونو د سيد کرم ولسوالۍ په بېلابېلو سيمو کې عمليات کړي چې په ترڅ کې يې ١٩ طالبان وژل شوي او ٢٢ نور ټپيان شوي دي.

د پکتيا د والي وياند عبدالله حسرت د وږي په اوومه پژواک خبري اژانس ته وويل چې عمليات د يادې ولسوالۍ په کوهسين، لکړۍ او غورېځي سيمو کې شوي دي.

حسرت وويل چې د افغان ځواکونو دغه ځمکني او هوايي عمليات د کشفي راپورونو پر اساس په هغو ځايونو کې ترسره شوي چې وسله وال مخالفين په کې راټول شوي وو.

د ده په خبره، د عملياتو په ترڅ کې يو وسله وال طالب ژوندى هم نيول شوى چې دمګړۍ تر پوښتنو لاندې دى.

وسله والو طالبانو تر اوسه په دې اړه څه نه دي ويلي.

دا په داسې حال کې ده چې تېره ورځ د پکتيا ولايتي شورا غړو د ګردېز د امنيتي وضعيت په اړه اندېښنه ښودلې وه او ويلي يې وو چې پر دغه ښار د بريد لپاره وسله وال مخالفين ځينو ځايونو کې راټول شوي دي.

ولايتي چارواکي بيا حالت ډاډمن بولي او وايي چې وسله وال مخالفين يې ځپلي او پر ښار بريد نشي کولى.

ورته راپورونه:

نظر ورکړئ

اعلانونه

Advertisement