د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

چين: غواړو افغانستان د سيمې د هېوادونو د همغږۍ پر مرکز بدل شي

چين: غواړو افغانستان د سيمې د هېوادونو د همغږۍ پر مرکز بدل شي

Aug 29, 2018 - 19:46

کابل (پژواک ٧ وږى ٩٧): له تروریزم سره د مبارزې او امنیتي مسایلو په چارو کې د چین د دولت وزیر وايي، هېواد يې غواړو افغانستان د سیمې د هېوادونو د همغږۍ پر مرکز بدل شي.

نوموړي دغه خبرې نن ماسپښين په ګلخانه ماڼۍ کې له ولسمشر غني سره په کتنه کې کړې دي.

له ارګ څخه پژواک خبري اژانس ته په رالېږل شوې خبرپاڼه کې راغلي چې ولسمشر محمد اشرف غني له تروریزم سره د مبارزې او امنیتي مسایلو په چارو کې د چین ولسي جمهوریت د دولت وزیر چینګ ګوپینګ خپل حضور ته ومانه.

سرچينه کاږي، په دې کتنه دواړو لورو د امنیتي او اقتصادي مسایلو د پرمختګ په ځانګړي ډول چین ته د افغانستان د صادراتو او تروریزم سره د ګډې مبارزې په اړه بحث او خبرې وکړې.

چینګ ګوپینګ وویل، د چین حکومت او خلک د افغانانو تر څنګ دي او د اوربند او د افغانانو په رهبرۍ او مالکیت د سولې په پروسه کې له هیڅ ډول همکارۍ دریغ نه کوي.

هغه زیاته کړه: "موږ غواړو افغانستان د سیمې د هېوادونو د همغږۍ پر مرکز بدل شي چې دا موضوع د دواړو هېوادونو او سیمې د اقتصادي پراختیا په ګټه ده او دا د چین د جمهور رئیس شي جینګ پینګ لیدلوری هم دی."

ولسمشر غني په خپلو خبرو کې د افغانستان په ځانګړي ډول د سولې اوثبات د ټینګښت په برخه کې د چین ولسي جمهوریت د جمهور رئیس او خلکو له مثبت لیدلوري مننه وکړه.

ده وویل، افغانستان او چین د سوداګریزو، ترانزیټي او صادراتي همکاریو د ودې په برخه کې ښه ظرفیتونه لري چې د دواړو هېوادونو پلاوي به په دې برخه کې کار وکړي.

نوموړي، تروریزم د دواړو هېوادونو او نړۍ ګډ دښمن وباله، وې ویل، پر ګډه مبارزه کولای شو دا شومه پدیده له منځه یوسو.

د يادونې وړ ده چې ياد شوي چينايي چارواکي له اجرائيه رئيس ډاکټر عبدالله سره هم ليدلي او په دوه اړخيزو مسايلو يې ورسره خبرې کړې دي.

نښه: 

ورته راپورونه:

نظر ورکړئ

اعلانونه

Advertisement