د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

د پکتیکا تر نیمايي ډېر ښوونځي ودانۍ نه لري

د پکتیکا تر نیمايي ډېر ښوونځي ودانۍ نه لري

Aug 30, 2018 - 13:53

ښرنه (پژواک، ٨ وږى ٩٧): د پکتيکا له ٣٩٥ ښوونځيو يواځې ١٤٨ يې ودانۍ لري چې له امله يې زده کوونکي له ستونزو سره مخ دي.

د اړوندې موضوع په اړه د زېړوک ولسوالۍ د جونخېلو ښوونځي يوه ښوونکي د نوم له اخيستو پرته د وږي په اتمه پژواک خبري اژانس ته وويل چې په تېرو پنځو کلونو کې دوى څو ځلې دغه ښوونځي ته د ودانۍ جوړېدو غوښتنه وکړه خو تر اوسه يې په اړه اړوند مسوولينو اقدام نه دى کړی.

هغه وايي: ((د مکتب لپاره ودانۍ ډېره مهمه ده، کله چې مکتب ودانۍ ونه لري، د امنيتي ستونزو تر څنګ شاګردان په سمه توګه درس هم نه وايي او په منځ د درس کې له صنف څخه وځي چې دا يو مشکل دى او بايد حل شي.))

همدارنګه د سروبي ولسوالۍ د لېسې يوه زده کوونکي بسم الله پژواک ته وويل چې د دوى ښوونځى ودانۍ نه لري.

هغه زياته کړه: ((د باد او باران په وخت کې زموږ مکتب رخصت وي، د کال تر پايه درسونه بېخي بې پلانه مخ ته ځي؛ ځکه معلومه نه ده چې کله باد او باران کېږي او مکتب رخصتېږي.))

دغه راز د اورګون ولسوالۍ د مدنې تولنې غړي نېک محمد مجاهد پژواک ته وويل چې د ترلاسه شوو شمېرو له مخې د دغه ولايت له نيمايي ډېر ښوونځي ودانۍ نه لري.

ده وويل: ((تر شنه اسمان لاندې خو درس نه ويل کېږي، درس ويل ارامې فضا ته اړتيا لري.))

مجاهد نيوکه وکړه چې د دغه ولايت د پوهنې رياست چارواکو د خپلو دندو ساتلو په موخه په کراتو ښوونځيو ته د ودانيو جوړولو ژمنې کړې خو تر اوسه يې په دې برخه کې عملي ګام نه دى پورته کړى.

د دغه ولايت يو شمېر نورو اوسېدونکو هم ورته څرګندونې وکړې.

د يادو څرګندونو په غبرګون کې د دغه ولايت د پوهنې رياست مرستيال محمدکريم اتلوال پژواک ته وويل چې په دغه ولايت کې له ٣٩٥ ښوونځيو څخه يواځې ١٨٤ يې ودانۍ لري.

خو ده وويل چې د روان کال په اوږدو کې د ١٩ ښوونځيو لپاره او په راتلونکي کال کې د ١٥٣ ښوونځيو لپاره ودانۍ جوړېږي.

هغه زياته کړه: ((د دې ودانيو په جوړېدو سره به ٩٠ سلنه زموږ مشکل په دې برخه کې حل شي.))

د يادونې ده، د پکتيکا تر څنګ په نورو ولايتونو کې هم سلګونو ښوونځيو ته تر اوسه ودانۍ نه دي جوړې شوې او زده کوونکي يې تر شنه اسمان لاندې زده کړې کوي.

ورته راپورونه:

نظر ورکړئ

اعلانونه

Advertisement