د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

بریتانیا له افغانستان سره د همکاریو دوام ته ژمنه ده

بریتانیا له افغانستان سره د همکاریو دوام ته ژمنه ده

Sep 01, 2018 - 18:23

کابل (پژواک، ۱۰وږی ۹۷): د حکومت اجرایي مشر په افغانستان کې د ځواکونو زیاتوپه تړاو د بریتانیا له پرېکړې څخه د هرکلي ترڅنګ وايي چې بریتانیا د افغانستان له مهمو او ستراتیژیکو متحدینو څخه دى.

د حکومت اجرایي ریاست له لوري پژواک ته به رالېږل شوې خبرپاڼه کې راغلي دي چې د حکومت اجرائیه رئيس ډاکټر عبدالله عبدالله په سپیدار ماڼې کې د بریتانیا له دفاع وزیر ګوین ویلیامسون سره د لیدنې پرمهال له افغانستان سره د یاد هېواد د همکارۍ دوام غوښتنه کړې ده.

سرچینې کاږلي دي چې عبدالله بریتانیا د افغانستان مهم او ستراتیژیک متحد بللی او زیاته کړې یې ده چې دا هېواد کولی شي د افغانستان وسله والو ځواکونو په پیاوړتیا کې مرسته وکړي.

نوموړي په دې لیدنه کې د ناټو او غوڅ ملاتړ په اډانه کې د یاد هېواد ځواکونو زیاتوالي په اړه د بریتانیا حکومت له پرېکړې مننه کړې ده.

دغه راز د بریتانیا دفاع وزیر ګولین ویلیامسون ویلي دي: ((راغلی یم څو له نږدې څخه د افغانستان وضعیت وارزوم، له افغان چارواکو سره په عمده مسایلو بحث وکړم.))

نوموړي د افغان ځواکونو پرمختګ او د وړتیاو لوړېدو په اړه خوښي وښوده، زیاته یې کړه چې هېواد یې چمتو دی څو افغان وسله والو ځواکونو سره د وړتیا لوړېدا په برخه کې مرسته وکړي.

په دې غونډه کې په افغانستان کې د وروستي سیاسي او پوځي بدلونونو، سیمه ییزو اړیکو، له ترهګرو څخه د نه ملاتړ په تړاو پر پاکستان د فشار واردولو، د سولې مذاکراتو او د هېواد پر وضعیت د سترو نړیوالو سیاستونو پر اغېز هم خبرې وشوي.

نښه: 

ورته راپورونه:

نظر ورکړئ

اعلانونه

Advertisement