د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

د هېواد په پنځو ولایتونو کې د بیارغونې څو پروژو تړونونه لاسلیک شول

د هېواد په پنځو ولایتونو کې د بیارغونې څو پروژو تړونونه لاسلیک شول

Sep 01, 2018 - 15:44

کابل (پژواک، ۱۰ وږی ۹۷): یو استنادي دېوال او د اوبو څلور کانالونه چې ټول ۴۶ کیلومتره اوږدوالی لري، د هېواد په پنځو ولایتونو کې د ۱۵۴ میلیونه افغانیو په لګښت د یونیم کال په موده کې بیارغول کېږي.

د دغو پروژو تړونونه د اوبو او برېښنا وزارت سرپرست محمدگل خلمي او د پنځو خصوصي شرکتونو استازو ترمنځ نن په کابل کې لاسلیک شول.

خلمي وویل چې په دې پروژو کې د ننګرهار په سره رود ولسوالۍ کې د سلطان پور او شمشاپور سیندونو د ۱۲۰۰ متره مربع استنادي دېوال بیارغونه او د کندهار په ژېړۍ ولسوالۍ کې د کده هال کانال څه باندې اته کیلومتره بیارغول شامل دي.

دغه راز نوموړي زیاته کړه چې د خوست ولایت په مرکز کې د شیرغه کانال لس کیلومتره بیارغول، د نیمروز ولایت د کنګ ولسوالۍ د قاضي کانال نږدې ۱۶ کیلومتره رغونه او د هرات ولایت د انجیل ولسوالۍ د کبرزان کانال د لس نیم کیلومترو رغول هم په یادو پروژو کې شامل دي.

د اوبو او برېښنا وزارت د معلوماتو له مخې، دا مهال په یادو سیمو کې چې ټاکل شوې د اوبو کانالونه یې بیا ورغول شي، نږدې ۲۸۰۰ هکتاره ځمکو ته اوبه رسېږي، خو د دې کانالونو په بیارغېدو سره به په دې سیمو کې څه باندې ۴۵۰۰ هکتاره ځمکه خړوبه شي.

د یادو پروژو پلي کوونکو شرکتونو استازو وویل چې پروژې به د تړون له مخې ترسره کړي.

ورته راپورونه:

نظر ورکړئ

اعلانونه

Advertisement