د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

په هېواد کې د شري واکسین سراسري کمپاین پیل شو

په هېواد کې د شري واکسین سراسري کمپاین پیل شو

Sep 01, 2018 - 17:08

کابل (پژواک، ۱۰ وږی ۹۷): د افغانستان عامې روغتیا وزارت د شرې ناروغۍ د وقایې لپاره، نن د دې ناروغۍ ځانګړی واکسین چې ۱۴ میلیونو ماشومانو ته به تطبیق شي، په هېواد کې پيل کړ.

د روغتیايي چارواکو د معلوماتو پر بنسټ، پر دغه کمپاین باندې ۱۴،۶ میلیونه ډالر لګښت راغلی او په دوو پړاوونو کې چې لومړی پړاو یې د روان میلادي کال د سپتمبر له لومړۍ تر لسمې نېټې په ۱۶ولایتونو کې، دویم پړاو به یې په پاتې ۱۸ ولایتونو کې د نوامبر له ۱۷مې پیل او د همدې میاشتې تر ۲۶مې به دوام وکړي چې مالي لګښت یې د واکسین نړیوال ایتلاف (GAVI) له لوري ورکول کېږي.

د عامې روغتیا وزیر ډاکټر فیروزالدین فیروز نن په کابل کې په دې مناسبت نیول شوو مراسمو کې وویل چې دغه کمپاین په وروستیو کلونو کې د هېواد په بېلابېلو ولایتونو کې د شري ناروغۍ د زیاتو پېښو په تړاو د ترلاسه شوو راپورونو له مخې پیل شوی چې د شري پر وړاندې د مخکني واکسین له تطبیق پرته د ۹ میاشتو او لسو کلونو تر منځ ټول ماشومان تر پوښښ لاندې راولي.

نوموړي زیاته کړه: ((د افغانستان عامې روغتیا وزارت پرېکړه وکړه چې د شري ناروغۍ وقایې او د دې ناروغۍ له امله د ماشومانو د مړینې کمښت لپاره یې، په ټول هېواد کې د شري واکسین پیل کړي.))

د هغه په خبره، دغه کمپاین په دوو میاشتو کې د هېوادوالو استوګنې تر ټولو نږدې ځایونو کې لکه روغتیایي مرکزونو، ښوونځیو اوجوماتونو کې د روغتیایي کارکوونکو له لوري تطبیق شي.

فیروز د دغه مطلب په څرګندولو سره چې شری یو خطرناکه او وژونکې ناروغۍ ده، له کورنیو څخه یې غوښتنه وکړه چې د دغه کمپاین پر مهال دې خپل ماشومان واکسین کړي څو هغوی پر دې ناروغۍ د اخته کېدو له ګواښ څخه وقایه کړي.

د عامې روغتیا وزارت د معلوماتو پر بنسټ، ټاکل شوې چې د دغه کمپاین له لارې د ۹ میاشتو او ۱۰ کلونو تر منځ ۱۳،۸ میلیونه ماشومان واکسین شي.

د افغانستان لپاره د نړیوال روغتیایي سازمان استازې ډاکټر ریچارت پیپرکارن په دې مراسمو کې وویل: ((موږ هیله لرو چې دا واکسین هر ماشوم په ځانګړې توګه زیانمنونکو ماشومانو ته ورسېږي.))

د ملګرو ملتونوسازمان د ماشومانو وجهي صندوق (UNICEF) استازې مېرمن اډیلا خودر (Adele Khodr) وویل چې واکسیناسیون په ماشومتوب دوره کې د ماشوم د وژونکو ناروغیو پروړاندې ترټولو ارزانه روغتیایي اقدامات دي.

د واکسین نړیوال ایتلاف اجرایي مشر ډاکټر سیت برکلي، افغانستان ته د دغه پروګرام د پیل مبارکي ورکړه، زیاته یې کړه: ((د واکسین کمزوری پوښښ، په زیاته کچه د وګړو بې ځایه کېدل او دوامداره ناامنۍ، د شري ناروغۍ کنټرول پر وړاندې سترې ننګونې دي.))

شری، د ماشومتوب دوران ساري اوڅلورمه وژونکې ناروغۍ ده چې ځانګړې درملنه نه لري؛ خو د شري واکسین تطبیق سره دا ناروغۍ په اسانه توګه د وقایې وړده.

تبه، ریزش، د سترګو سوروالی، سردردي، ټوخی، ګنګسیت، ځان دردي او د اشتها کمښت د شري ناروغۍ لومړنۍ نښې دي.

د عامې روغتیا وزارت د معلوماتو له مخې، په ۲۰۱۷ کال کې د افغانستان په کچه د شري له ۲۵ زرو پېښو څخه ۸۵ سلنه یې له لسو کلونو څخه د ټیټ عمر ماشومانو کې راپور ورکړل شوی دی چې کابل، پکتیکا، کونړ، بادغیس او غور ولایتونو کې ماشومان په شدید ډول له شري څخه زیانمن شوي دي.

ورته راپورونه:

نظر ورکړئ

اعلانونه

Advertisement