د پژواک خدمتونه

د انځورونو څانګه

غږيزه څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

د غور د پوهنې ډبول شوی رییس: زما قضیې ته دې رسېدنه وشي

د غور د پوهنې ډبول شوی رییس: زما قضیې ته دې رسېدنه وشي

Sep 02, 2018 - 17:21

فېروزکوه (پژواک، ١١ وږی ٩٧): د غور د پوهنې رییس چې د ناپېژاندو کسانو په مرسته د یادې ادارې کارکوونکو وهلی ټکولی، له حکومته غواړي چې له دې کسانو سره دې قانوني چلند وکړي.

تېره ورځ د غور د پوهنې ریاست لسو کارکوونکو د یو شمېر ناپېژاندو کسانو په مرسته د خلیل احمد مبارز پر دفتر برید وکړ، لومړی یې د هغه ساتونکی بې وسلې کړ او وروسته یې مبارز سخت وهلي ټکولی دی.

مبارز چې د سر او مخ په برخو ټپي شوی، پژواک ته وویل، د دې ادارې یو شمېر هغه کارکوونکي چې تېره ورځ یې د ده پر دفتر برید کړی او دی یې وهلی ټکولی، څارنوالۍ ته ور پېژندل شوي دي.

مبارز ادعا وکړه چې دغه کسان په ملي شورا کې د خلکو د استازي کرام الدین او د یاد ریاست د تدریسي مدير فضل الحق نجات کسان وو او د دوی په امر یې زه وهلی یم.

نوموړي له حکومته وغوښتل چې د قانون له مخې یې قضيه وڅېړي.

بلخوا د غور د والي ویاند عبدالحي خطیبي پژواک ته وویل، د پوهنې د رییس د قضيې عاملین پولیسو نیولي او قضیه یې څارنوالۍ ته لېږل شوې ده.

سربېره پر دې په ولسي جرګه کې د غور د خلکو استازي کرام الدین رضا او د پوهنې تدریسي مدير فضل الحق د مبارز خبرې رد کړې او ویلي یې دي چې نوموړی خپلو تر لاس لاندې کسانو وهلی ډبولی دی او دوی له دې قضیې خبر نه دي.

ورته راپورونه:

نظر ورکړئ

اعلانونه

Advertisement

Etisalat Get more data, Etisalat Afghanistan