د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

د نادعلي او مارجې ولسوالیو لویې لارې رغول کېږي

د نادعلي او مارجې ولسوالیو لویې لارې رغول کېږي

Sep 02, 2018 - 16:52

لښکرګاه (پژواک، ۱۱ وږی ۹۷): په هلمند کې د نادعلي او مارجې ولسوالیو د لویو لارو د هغو برخو د بېرته رغولو چارې پیل شوې چې په تېرو دوو کلونو کې د جګړو له امله ويجاړې شوې وې.

د هلمند والي محمد یاسین خان د وږي په ١١مه د نادعلي او مارجې ولسوالیو په دوه لارې سیمه کې خبریالانو ته وویل چې د دغو لارو ډېری برخې چې په تېرو دوو کلونو کې تخریب شوې وې، نن يې د فوايد عامې رياست له خوا د بیا جوړېدو چارې پیل شوې.

د ده په وینا، د نادعلي ولسوالۍ بشپړه لاره او د مارجې یوه برخه امن شوې نو ځکه يې د سړکونو د جوړېدو چارې هم پيل شوې.

هغه زياته کړه: ((د نورو تخریب شوو لارو د بيا جوړولو چارې به هم هغه وخت پیل شي چې  سيمې يې د حکومت تر کنترول لاندې راشې.))

د والي په وينا، په نادعلي کې به يو شمېر نورې پروژې هم پلې شي څو ځوانانو ته د کار زمينه برابره شي.

دغه راز د هلمند د فوايد عامې رییس اهل الله عبیدي وویل چې د نادعلي او مارجي ولسوالیو ١٤ کیلومتره سړک د ماینونو او چاودنو له امله تخریب شوى چې بېرته رغول يې پيل شول.

هغه زیاته کړه چې د دې پروژې مالي لګښت ١٨ ميليونه افغانۍ کېږي چې د فوايد عامې وزارت له لوري ورکول کېږي.

همدارنګه د نادعلي ولسوالۍ د ټولنیزي شورا رییس محمد نبي الفت د يادې لارې پر بېرته جوړېدو خوښي وښوده خو زياته کړه چې د چاه انجير تخريب شوې لاره هم بايد جوړه شي.

هغه وویل چې د دې پروژو په ساتنه او څارنه کې به له اړوند شرکت سره پوره همکاري وکړي.

د يادونې ده، له څه مودې راهيسې د لښکرګاه ښار په ځينو سيمو او نادعلي ولسوالۍ کې د امنيتي ځواکونو له لوري د وسله والو طالبانو پر وړاندې عمليات روان دي.

ورته راپورونه:

نظر ورکړئ

اعلانونه

Advertisement