کندهار (پژواک ١١ وږى ٩٧): په کندهار ښار کې پر پولیسو دوه چاودنې شوي چې د یوه افسر په ګډون یې ۶ پولیس ټپيان کړي دي.
دا پېښې نن ماښام د ۸ بجو په شاوخوا کې د ۱۴مې امنیتي حوزې اړوند د نظم خاص په ساحه کې شوي دي.
د کندهار د امنیې قومندان ویاند لومړی څارن بشیر خاکسار پژواک خبري اژانس ته وویل، چاودنې پر هغوی پولیسو شوي چې په دغه ساحه کې په تالاشي بوخت وو.
هغه زیاتوي، لومړی ماین د برېښنا په یوه ټرانسفرمر او دویم ماین د سړک په یوه ګلدان کې ځای پر ځای شوي وو.
د ده په وينا، چاودنې زیان لري، خو په اړه به یې وروسته معلومات ورکړي.
خو یوې باوري امنیتي سرچینې پژواک اژانس ته وویل چې په دې پېښه کې د ۴مې امنیتي حوزې د مرستیال زلمي اسلمي په ګډون ۶ تنه پولیس ټپيان شوي دي.
ټپيان د کندهار ښار میرویس روغتون ته رسول شوي دي.
د دغه روغتون د عاجل وارډ یوه ډاکټر چې نه یې غوښتل نوم یې یاد شي، پژواک ته وویل، د پېښې له ځایه روغتون ته ۸ تنه ټپیان ور وړل شوي چې ټول پولیس دي.
وسله والو طالبانو تر اوسه په دې اړه څه نه دي ویلي.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن