د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

مزار کې د اخترمحمد ابراهيم خېل پلويانو لاريون وکړ

مزار کې د اخترمحمد ابراهيم خېل پلويانو لاريون وکړ

Sep 03, 2018 - 18:00

مزار شريف ( پژواک، ۱۲وږی ۹۷)  د بلخ ولايت په مرکز مزار شريف ښار کې د پخواني جهادي قوماندان او په شمال کې د محاذ ګوند د مسوول اختر محمد ابراهيم خېل سلګونه پلويانو د هغه په ملاتړ لاريون وکړ.

له بلې خوا نن په درېيمه ورځ هم مزار ښار کې د اختر محمد ابراهيم خېل کور د بلخ پوليسو له خوا کلابند دى.

پوليس د ښار له يوې صرافۍ څخه د پيسو په وسله واله غلا کې د ابراهيم خېل زوی تورن بولي؛ خو شمال کې د محاذ ګوند ياد مسوول د پوليسو دغه کار د ځان پر وړاندې دسيسه بولي.

د ابراهيم خېل پلويانو خپل لاريون مزار شريف کې د( S )پروژې له ساحې پيل کړ، چې د کابو ۱۰ کيلومتره لارې په طی کولو سره يې د نوموړي د کور مخې ته په راټولېدو پای ته ورساوه.

دغو لاريون کوونکو په پيل کې د څو شېبو لپاره د بلخ – جوزجان لويه لاره هم د ترافيکو پر مخ تړلې وه.

يوتن لايون کوونکي جلال الدين پژواک ته وويل چې اختر محمد ابراهيم خېل يې مشر دی او پوليس د نوموړي د بدنامولو په هڅه کې دي.

هغه د چا نوم وانخيست خو ويې ويل چې پوليسو د يوې ځانګړې کړۍ په فرمايش د ابراهيم خېل کور محاصره کړی دی.

  عظم الدين بل لاريون کونکی دی چې شمال کې د محاذ ګوند د مسوول په ملاتړ سړک ته راوتلی دی.

نوموړي پژواک ته وويل چې تر څو د ابراهيم خېل د کور محاصره نه وي ماته شوې، دوی به خپلو لاريونونو ته دوام ورکړي.

د بلخ د ولايتي شورا رييس بيا د خبرو له لارې د دغې موضوع د حل غوښتنه کوي.

افضل حديد پژواک ته وويل چې ډېر ژر به مزار شريف کې راپورته شوې ستونزه د خبرو له لارې حل شي.

د بلخ امنيه قومانداني هم ډاډ ورکوي چې ياده ستونزه به په سوله ييز ډول حل شي.

د امنيه قوماندانۍ وياند شېرجان دراني پژواک ته وويل چې د نن ورځې تر پايه ښايي دغه ستونزه حل شي.

هغه زياته کړه چې پوليس د قانون پر تطبيق مکلف دي او خپله دنده د قانون په رڼا کې ترسره کوي. 

ورته راپورونه:

نظر ورکړئ

اعلانونه

Advertisement